ISAIAH 10:5 - DAÜLANGPÜ LAIHING (BSI)

⁵ Ngei mongshihpü nyiamlüng, Assyria am onyükei! jomei lakei ngei mongshihpü lüng noshi nyüke!

ISAIAH 10:5 Referans Kwoze

ZEPHANIAH 2:13

Büpai apshaphi khüei lak haonghen, hatü Assyria am mahtükhen; Nineveh-ü shingkong leitükhen, hatü bhih kahdok keiha vantükhen.

ISAIAH 30:30

Shembüpai büpalei müknyinshekhangpü ngeü peü kü danhühen, hatü büpalei lak mongshihpai awlom mü, phumnyak hatü klang vangteng, hatü shü vüpükei yiükünyüke.

ISAIAH 14:25

Ngei ngelei kahdokei Assyria am ngümtükhen; ngelei kahshangei ngei büpa la-i shoupei shantükhen. Büpalei kenh ngelei nanglakthü leipü bhühtükhen, hatü büpalei hanggovih jomei bhagchong leipü yailanghen.

ISAIAH 10:15

Ay-i shennyak meyü ngei longpeih shei eaokhen je? nevaijü püvet longkhoih-i shennyak meyü ngei-üng shongnyü shei eaokhen je? Nyiamlüngi hapa noteipü shennyak noei ne-annyih, nevaijü lenshuoh-i hapa noteipü shennyak noei ne-annyih.

ISAIAH 66:14

Ammi ha eetü ammei mongkü mongongkahen; ammei bümao phenha longpükei nyuhen, hatü hapai-üng Shembüpalei lakü büpalei chongphobüthü mü nyüke, hatü büpalei mongshih büpalei vepathü mü nyüke shei nyinghen.

ISAIAH 13:5

Jom tailu kahmük leipü peikünyüke; vangsho jung dohpü leipü peikünyüke. Hapayü kahdoknyü kemei mahtükhen Shembüpai büpalei mongshih vehok phunglang ow ownyüke.

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.

MENVIH KESHO 125:3

Daülangpüthü kü hantükpü kahdok kü nemeipü ami vanglem nelemhen, shejüang daülangpüthüiten dükhen jomei lak nenoteihen.

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

KAHBHAO 10:11

Hapa kahdok leipü büpai Assyrialei heih. Halei uotü büpai Nineveh, Rehoboth-Ir, Kalah,

2 ONGPATHÜ 19:25

Nüngi ha nedanangpü je? ngei ha tempheikü hepak longi daiteke, penyü showtükpü chingnyüthü nyüp yakshing leitükhen shei ngei aivang den mebü küpjan tempeih, hatü ha shaang dhaümnyu khih.

ISAIAH 7:17

Shembüpai nüng hatü nüngei nanglakthü hatü ongsha ongshem kemei kü Israel am Judah kübü yanhinüng chemao mangpeipü shanghah koei peikahen– büpai Assyria ongpa müei peikahen” shei e.

ISAIAH 7:20

Hapa nyih kü Shembüpai Euphrates yungdang leipü sho kupbü Assyria ongpa chüngei leihen, hatü büpai ammei sho, jumum hatü lamum kemei kuptükhen.

ISAIAH 8:7

Shembüpai jom khüei Euphrates yungnyü büng keiha Assyria ongpa mü büpalei veshanthü müei peihen; hapayü yunglemthü peü linei yungphaang küpei longhen;

ISAIAH 10:25

Mehenangkü hepak kanja pheikü ngelei mongshih dohdaihen, hatü jom mahtükhen shingvaishi ngelei mongshih jom philei lephen.

ISAIAH 14:24

Jeiyong Shembüpai lahteke: Ngei lingpü keiha hapayü chongkahen; hatü ngei tempü küpjan keiha hapayü jiüshi vamkahen.

ISAIAH 23:13

Babylon amei kahdok kü veihümao, hapayü Assyria ami nevai, Babylon ami Tyre kahdokü phaüyemthü nyuishing leitükpeih; jomi ching shümtü shangdüthü lingpeih, jomi penyüshathü bentüktü chingnyüyü chingkong leitükpeih.

ISAIAH 26:20

Ngelei nanglakthü, sha küpei ammi laophülei dungei shüdaituh; Kahvang mongshihpü mangpeih thahshi am kanja jodaituh.

ISAIAH 30:27

Veituh, Shembüpalei men tailu leipü peikünyüke, mongshih wong kemei phumnyak keiha awshit vamei; büpalei ju kü mongshih maei, hatü büpalei yei-ü awlom kei nyüke.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

EZEKIEL 22:31

Hanangkü ngelei mongshih ngei jom kü khüpshuohhen hatü awi kei ngelei mongshih-i jom hahtükhen; jomi dükpü dou ngei jomei shangjing kü koei leitüktih shei Shembüpa Kahvangi enyüke.”

HABAKKUK 1:12

Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

BHEI-IE 24:24

Kittim leipü vepathü jahas kü peikahen; Jomi Assyria hatü Eber am neütükhen, shejao jomao hapakei mahdaihen.”

2 ONGPATHÜ 18:25

Nyeinya vaishi SHEMBÜPAleipü shah neshiüpü kü ngei ching hahhen hatü mangtükhen shei peipü je? Shembüpa, büpai-üng aongei ngei kü hapa kahmük khüei yaonghen, hatü mahtükhen ephopeih” shei e.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

NAHUM 1:1

Hapayü Nineveh am nangkü Elkosh am Nahum thibüi eepü manghkhang jung nyangpü nyüke.