ISAIAH 10:13 - DAÜLANGPÜ LAIHING (BSI)

¹³ Mehenangkü büpai enyüke: “Ngelei wongi ha dükpeih, ngei kü kon nyupü nangkü ngelei koni ha lingpeih. Ngei jatthülei viongthü bentükpeih, ngei jomei mophimothü aetlangpeih, mohohbaongi keiha ong uoshing kü uopüthü la-i nyeütükpeih.

ISAIAH 10:13 Referans Kwoze

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

SHAHKÜP 8:17

Am nyingi, “Hamei wongi ham shemmei leipeih” shei ehen aok.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

AMOS 6:13

Ammi Lo-Debar am neüaokpü nangkü ngam yahnyüke hatü enyüke, Hami Karnaim amao hamei wongi neühah shepeih shei changmeiyei enyüke.

AMOS 5:27

mechem ngei am Damaska homei lebü kahdokei wüpküpei küphen müei daihenshang ammi hathü koei daihen, Shembüpa, üpalei men Jeiyong Kahvang nyüpa, büpai enyüke.

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

EZEKIEL 26:2

Shennyak ha, mehenangkü Tyre ami Jerusalem nangkü, “Aha, jatthü kü showpü penyüsha bendaiteke, hatü hapa shaden ngei kü apei nyüke; sheyü pinnyü-ü mangtükteke, ngei daeisheyei leihen” shei eteke.

EZEKIEL 25:3

Jomphong kü, ‘Shembüpa Kahvangei shah bangtuh. Shembüpa Kahvangi hapakei enyüke’ shei etuh: Mechem ngelei phopshem sheihtükpa, hatü Israel kahdok lavüngtoiyei nyupü hepak kü, hatü Judah nanglakthü wüpküpei daishingkü ‘Hüha’ shei epü nangkü,

ISAIAH 10:8

“Ngelei veshan mübüthü peü ongthü hih” shei büpai enyüke.

1 SHÜPPÜKENGPÜ 5:26

Hanangkü Israel Kahvangi Assyria am Pul (Tiglath-Pileser) ongpa vamhü hatü Reuben, Gad hatü bhaosheipü Manasseh am jat wüpküpei müei dai. Büpai hathü Halah, Habor, Hara hatü Gozan yungyenei ha nyih mü pangei tuhteke.

2 ONGPATHÜ 18:32

hapheiküang ngei peiyei ammei kahdok keipü kahdokei hahying hatü yiüja vampü kahdok, aan hatü nyalingngupai vampü kahdok, olive pü hatü nyahjiü maei nyupü kahdokei ngei amphong deilanghen. Dilem nevai yangnyu nyuhen lem jetuh.’ Hezekiah-i epü kü tebang; mehenangkü büpai amphong kü, ‘Shembüpai jen yangphahen’ shei eyei amphong lemnyong kü münyüke.

2 ONGPATHÜ 18:15

Hezekiah-i Shembüpalei shem hatü ongshemei nyupü ngin kemei shuohtük.

2 ONGPATHÜ 18:11

Assyria ongpai Israel am Assyrialei wüpei deiyei Habor Yungnyü yopailei Gozan kahdok Halah chingnyülei tuh, hatü haneiyü Media chingnyüthülei tuh.

2 ONGPATHÜ 17:24

Assyria ongpai Babylon, Kuthah, Avva, Hamath hatü Sepharvaim kübü shennyakthü müei deiyei Israel am kü jeiyei uophongteke. Jomi Samaria chingthü kaamei yahtü halei nyu.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

2 ONGPATHÜ 16:8

Ahaz-i Shembüpalei shem hatü ongshemei nyupü hon hi ngin yah-ei Assyria ongpa kü thintho hük vaishi shom.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

JEREMIAH 46:8

Nile yungyen keiha Ijip am longei aongnyüke, yungyenthü keiha jom longei aongnyüke. Ngei longei kahdoknyü jümlangshah; hatü ngei chingnyüthü, hatü haleipü nanglakthü mahtükhen.

JEREMIAH 48:14

“Hamü hampathü, vehok kü monglongpü veshanthü” shei mekei ami eaoknya?

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.

HABAKKUK 2:6

Henüng keipü shennyakthü khüei peüi ne-ienelemi, vüshih-ei hapakei eela-ei ne-ehen je? “Gühdoui shem maei nyupüthü amphong Onyükei!” Meshükpa am aetpüshepü doui shemmei leiyei nyuaokhenang?

SHAHPHENBÜTHÜ 7:2

Shembüpai Gideon kü, “Midian am neühen shingvaishi nüng mü nyupü veshanthüyü ngei keyü ahshi ahteke; jomphongi jomei wongi neüpeih shei deihhen hatü ngei kü dhüm neshuohhen.

KANDOK 28:11

Shemmeipai ngei-üng kon kohpeih shei deihnyüpeih, shejao yao-aokpü taopa hüki büpa peipeilei-i eenyüpeih.

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

HABAKKUK 1:11

Jomü vanglüki kei maoei lüdainyüke, jom mang thahnyüke, hatü nejiüi leinyüke; jomei wongü jomei kahvang leitüknyüke.