ISAIAH 10:12 - DAÜLANGPÜ LAIHING (BSI)

¹² Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 10:12 Referans Kwoze

2 ONGPATHÜ 19:31

mehenangkü Jerusalem leipü aopü shennyakthü, hatü Zion Kahshang leipü yangpü shennyakthü vamkahen. Shembüpa nyakpükenpai hapa dükkahen.”

JEREMIAH 50:18

Hanangkü Jeiyong Shembüpa, Israel Kahvangi hapakei enyüke: “Ngei Babylon ongpa hatü büpalei kahmük Assyria ongpa hanghihüpü keiha hanghihühen.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

1 PETER 4:17

Mehenangkü Kahvangei shem am kü shahphenpü chongpanghen hepak ngoiteke; hapayü jen mü pangjema, Kahvangei shahjangmei nebangpüthü dohpü mekei nyuhen?

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

MATHI 12:33

Meipü betjükpü sheituh, shejema hapalei betjük meishi chongkahen; nemeipü betjük pü sheijema hapalei betjük nemei-i chongkahen; mehenangkü pü hükü hapalei betjük homei nyingnyüpeih.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

EZEKIEL 31:14

Hanangkü yung yopailei nyupü pü mepaiyao shaoei ne-aonghen, nevaijü vangsho thahshi neluhen; hanangkü yung jüppü pü mepaiyao hajük thahshi shao luei ne-aonghen. Shennyak hangku diyei kahmongei shüdaipü keiha jom peü dihen demtükpü nyüke.

EZEKIEL 31:10

Hanangkü Shembüpa Kahvangi hapakei enyüke: Mehenangkü hapa shao longi luei vangsho thahhen mü shaopü nangkü, hatü hapa shao luhahpü nangkü mongei changmeipü nangkü,

ISAIAH 50:11

Shejao am peü aw jakpüthü, awjung hühteipüthü; Ammi jakhahpü awbhaong kü, hatü ammi jakpü awlom kü kamtuh. Ngelei lak leipü ammi hapa danghen, am hanghi kü lemshi nyuhen.”

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

ISAIAH 9:9

hatü Ephraim hi Samarialei nyupüthü peüi ha nyingteke, shejao jomei mong kü changmeipü hatü maühepai jomi,

ISAIAH 5:15

Longpü hatü maanpü peü maanpü leihühen, hatü changmeipüthülei mükveinavei nyokei leitükhen.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

KANDOK 30:13

Shennyak hanei-i hamü longi meipü am; hamü mih mü shaopü am shei deihnyüke.

MENVIH KESHO 76:10

Hangku mongshihpai nüngei men longhen mü vamnyeih; vehok kübü yangpüthü nüngei men kü mo monyeih.

MENVIH KESHO 21:10

Nüngi kahdok shak kübü jomei li hümtükhen, hatü hangku khong kübü jomei hahimoi shemtükhen.

MENVIH KESHO 18:27

Nüngi maanpü leipü am yangnyüke, shejao changmeipüthü maanhütüknyeih.

MENVIH KESHO 76:5

Monglongpü veshanthülei phunglang kemei nyiuklangteke; Jom peü mükhet ngoiyei shidai, jom üpayao lak noei ne-anaoknyu.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

ISAIAH 27:7

Israel am kü bheipüthü kü bheipü keiha, Shembüpai Israel am kü bheiphei hiang? Nevaijü jom jüpüthü jüpü keiha jom jüei nyüpü hiang?

ISAIAH 29:14

Hanangkü shao chem hapa shennyakthü kü hanbenüng, yashanbenüng dou dükhen; nahpüthülei kihikon mahtükhen, hatü yao-aokpüthülei kon nyatükhen.”

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

ISAIAH 37:29

Nüngi ngei khüei yaongpü, hatü nüng changmeipü ngelei dhaong thahshi aongpü nangkü ngei nüngei shong kü nyiamphaak shihhen, hatü nüngei ju kü ngelei nyiamphak ühhen; nüng peipü lem kü ngei nüng nyokei leishihhen.”

JEREMIAH 25:29

Veituh, ngelei men kü nyükpü hapa chingnyü kü shanghah koei peikünyeih, hatü am nehanghi-i nyuaokhen je? Am hangnehi-i nenyupih; mehenangkü ngei kahdoknyülei nyupüthü peü touei yan kü nyüknyüpeih shei Jeiyong Shembüpai enyüke.

JEREMIAH 50:32

Changmeipüthü huluh shuohtü dohen, hatü üpaiyao pinnyü nephoukhen; Ngei jomei chingnyüthü kü awi haphen, hatü hapa shinei nyupü lemphü hahtükhen.

BHEI-IE 24:24

Kittim leipü vepathü jahas kü peikahen; Jomi Assyria hatü Eber am neütükhen, shejao jomao hapakei mahdaihen.”

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

KANDOK 21:4

Nebahnevaipü mük, hatü changmeipü mongdang nemeipü amei awdükü mang nyüke.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

DANIEL 11:45

Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.