ISAIAH 1:9 - DAÜLANGPÜ LAIHING (BSI)

⁹ Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

ISAIAH 1:9 Referans Kwoze

ROM SHAHSHA APPÜ 9:29

Hapayü Isaiah-i shelei epükei: “Jeiyong Shembüpai jen kü hühihathü netuhlang meyü, jenü Sodom hatü Gomorrah am kei leidaihah shepeih.”

KAHBHAO 19:24

Hapheikü Shembüpai Sodom hatü Gomorrah nyi kü vangsho leipü awkaong meli hatü aw shom,

YOUNG LAI 3:22

Shembüpa bampü longpü, mechemao dohpü neshiü, büpa phahji yahyang longpü mechemao nekemdainyih.

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.

ISAIAH 37:4

Assyria ongpai büpalei veshan mübü shomei vanyangyem Kahvang kü eelapü büpai danei nyüke; Shembüpa, nüngei Kahvangi ha shahthü danei hanghi nyemshuoh. Hanangkü shaang yangei aoei nyupüthü shingvaishi phoptuh” shei e.

ISAIAH 24:13

Olive betjük lüngi bheiyei vaümlangpü keiha, nyalingngupai dhei thailangpü keiha, hapa kahdok hatü jatthü peü mahtükhen.

ISAIAH 17:6

Shejao olive betjük vaümshingkü, pümoungei betjük nyi jem tuhphongpükei, betjük pükaolei ali nga aophongpükei, hanei am payü aoei tuhhen” shei Shembüpa, Israel Kahvangi enyüke.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

KAHBHAO 18:32

Shao büpai, “Shembüpai chingmeilemlingei mongtemangpha, ngei shao chem mon eshah. Halei jom an mon nyuküjü mekei vaihen?” shei e. Büpai, “Jom anei med kü ngei jom nemahtükpih” shei e.

ROM SHAHSHA APPÜ 9:27

Israel am nangkü Isaiah-i hapakei lennyüke: “Israel nanglak yungching bhihhiphang kei nyujao aopüthü mon yanglanghen.

MATHI 7:14

Mehenangkü yangnyuyem touei müpü lemü shawshipshi, hatü lemü ahshi wongshi, hatü halei daipüthü maani mon.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

HABAKKUK 3:2

Oh Shembüpa, nüngei menmei jung ngei dantepih, hatü nüngei dou kü ngei nyemei nyunyüpeih, Oh Shembüpa. Hamei nyihhihe kü ha jatonghütuh; hamei hepak kü ha nyinghütuh; mongshih shingkü nüngi phahjihen deih-ei dangte.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

EZEKIEL 6:8

Shejao ngei hanei payü yanghen. Am hanei payü yannah kübü yangei lebü jatthülei kahmükei haishi nyuhen.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

1 ONGPATHÜ 19:18

Shejao Israel kü Baal kahvang kü aümei nekhümpü, hatü jomphongei jui hapa kü nejüppü jom haja nyet yangei tuhhen” shei e.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

2 PETER 2:6

hatü Sodom hi Gomorrah chingnyü nyi kübhih leiyei mahtük, hatü Kahvang nenyingpü am kü mehe peinya ha lappü leihüjema;

EZEKIEL 14:22

Shejao haleipü yangpüthü yeshang hatü yiükhathü haleipü yangei ngaihen. Jom am touei peikahen hatü ammi jomei dükhiling hatü douthü eehen, ngei Jerusalem kü shanghah vongshüh shuohpeyü jiüpü khih shei deihkahen.

KAHBHAO 18:26

Shembüpai, “Hapa Sodom chingnyülei daülangpü shennyak jom pinyipüan dangkao nyuküjema, jomei med kü ngei hapa chingnyü yangei tuhhen” shei e.

SHAKEI VAMPÜ 11:8

hatü jomei mahmahngü jomei Shembüpa shophang kü appü chingnyü chingyangshongei shükshi nyuhen. Hapa chingnyülei men lappeyü Sodom nevaijü Ijip nyuhen.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

ISAIAH 1:8

Zion nelathüyü nyalingngupai kah leipü tap keiha, mokohchong leipü tapshaü keiha vepai shümlangpü chingnyü kei leidaiteke.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 11:16

Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.

ISAIAH 46:3

Ngei epü bangtuh, Oh Jakob phang, hatü Israel am phang aopüthü. Am wom mongei nyushi mebü, hatü bühhinüng ngei am poh-ei jungei angpeih.

ISAIAH 65:8

Shembüpai hapakei enyüke: “Nyalingngupai choung kübü yiü vamnyeih shei nyingei shennyakthüi, ‘Ha temangtük, halei moihiman nyüpeih’ shei epü keiha, Ngei ngelei chongphobüthülei men kü ngei jom nemahtükpih.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

JEREMIAH 50:20

Hathü nyih hatü hapa hepak kü Israel hatü Judah amei mang yemhen shejao hükao nedanghen; mehenangkü ngei yangpüthü kü ngei mang tükshuohhen.”

ISAIAH 24:6

Hanangkü thaüvaüi hapa kahdok lühtüknyüke; hapa nanglakthüi jomei mang kohen. Hanangkü kahdoknyülei nyupüthüyü bhihdai maandainyüke, hatü maani mon aoei nyüke.