ISAIAH 1:7 - DAÜLANGPÜ LAIHING (BSI)

⁷ Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

ISAIAH 1:7 Referans Kwoze

YOUNG LAI 5:2

Hamei mükjüp mihthüng angpai yahlang, hamei bükhishem kü yenpa uodai.

SHAHKÜP 28:43

am mü chem kü nyupü benhayahai nyeinya shaopüpa aonghen shejao am phangei dungei shühen.

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

EZEKIEL 30:12

Ngei Nile yungyen ütükhen, hatü nemeipü shennyakthü kü kahdok yutükhen. Kungpalei lak homei kahdok hatü haleipü lemphü kü lavüngtoipü koei peihen shei ngei Shembüpai etepih.

2 SHÜPPÜKENGPÜ 28:5

Hanangkü Shembüpa, büpalei Kahvangi büpa Aram ongpa kü shuohtük. Aram ami büpa neütüktü büpalei nanglakthü longi yepei Damaskalei leilang. Shao büpa Israel amei lak kü shuoh hatü büpalei nanglak longi mah.

HOSEA 8:7

Jomi vanglüki keiha ten hainyüke, hatü jomi alüngleple kei ten vetnyüke. Kohpü hah kü betjük nejükhen, hapai hahying nevamhen; Hapa kü jük jüklangmao kung ami lühtükhen.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

ISAIAH 34:9

Edom amei shohinga kemei kahmongei ngamdaihen, hatü kahdok cheü kemei awkaong meli kei leidaihen; jomei kahdokü aw jakteipü kahsha kei leidaihen.

ISAIAH 9:5

Vehok kü thuhpü veshanthülei lathuh peü, hatü iy hoitükpü owhilang peü aw kü jaktükhen.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

ISAIAH 5:17

Hahepak kü mopnyümopha laaipü shingei mi chehathüi phenha meekhahhen, hatü yumthüi phenni hah-ei longteihen.

ISAIAH 5:9

Jeiyong Shembüpai ngei danshi vangei eteke: “Hingmei shem longpüthü longi lavüngtoiyei tuhhen; nethe meipü longpü shemthü kü nyuhen shennyak neshiüi leidaihen.”

MENVIH KESHO 107:39

Mechem jom shüveipü, shanghah hatü mongmang homei maanei leihen,

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

LEVI 26:34

Shejüang, am vepathülei kahdokei yandaipü mong aa kü kahdokü Sabbath vangbong kei nyuhen, hatü Sabbath vangbongthü kei nyiumeihen; am nyupü hepak kü nyupü Sabbath kü nenyupü nyiumei danghen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

MENVIH KESHO 109:11

hang shemhahhen nyupü ami büpalei mop kemei yahlanghütuh; büpai nyiuei ngaihahpü betjük yenpa-oupai gühlanghütuh;

ISAIAH 1:8

Zion nelathüyü nyalingngupai kah leipü tap keiha, mokohchong leipü tapshaü keiha vepai shümlangpü chingnyü kei leidaiteke.

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

ISAIAH 9:18

Hingmei mangü aw keiha bahnyüpeih; hapai hühhihang hahtüknyeih; hapai shüying kü aw bahhünyeih, hatü shang philei awshit temmü temmü lepei aongnyeih.

ISAIAH 49:19

Am nyaidaitü chingkong nyulangmao, hatü ammei kahdok lavüngtoiyei yakphongjao, halei nyuhen leipüthü shingvaishi kahdok maandaitü ponghen, hatü am lomohhüpüthü am toueipü taishi lüdaiphahen.

ISAIAH 60:15

Üpaiyao am peih-ei nekamtei-i peüi am yaktük hatü jiühitteke, shejao ngei am den kü müknyinshekhangpü hatü denshem peü kü mongongmonglepü leihühen.

ISAIAH 62:8

Shembüpai laophülei lakdah-i, hatü büpalei laklu wong longpai, “Hajük kü ammei mop ammei vepathü kü neshuohpih, ammi nyiueinangei linghahpü yiüja hajük kü kung am kü neshuohpih.

ISAIAH 64:10

Nüngei daülangpü chingnyüthü phaü leidaiteke, Zionü yingnyü yingchong, hatü Jerusalemü lavüngtoiyei leidaiteke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

EZEKIEL 25:4

ngei amphong Heong nanglakthü kü lanei shuohtükhen. Jomi am touei baümtapthü hatü ashakshem vehen; jomi ammei betjük hahtükhen hatü ammei amma yingtükhen.

MIKA 5:11

Ngei ammei kahdok kübü chingnyüthü mangtükhen, hatü ammei veyom shing peü bentükhen.

MIKA 6:13

Hanangkü ammei mang nangkü ngei am mahtükhen, hatü mahtükhen chongpangtepih.