ISAIAH 1:5 - DAÜLANGPÜ LAIHING (BSI)

⁵ Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.

ISAIAH 1:5 Referans Kwoze

EZEKIEL 24:13

Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

NEHEMIAH 9:34

Hamei ongthü, mübüthü, ngongpathü, hatü bühipathüi nüngei shahkung kü nemü; nüngi jom kü shuohpü shahkung nevaijü shahvüng kü jomi mong neshuoh.

JEREMIAH 5:5

Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

ISAIAH 33:24

Zionlei nyupü üpaiyao, “Ngei tüngei hih” shei ne-ehen. Halei nyupü shennyakthü kü jomei mang tüktükhen.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

2 SHÜPPÜKENGPÜ 28:22

Ahaz ongpa longi ponghahpü hepak kao nyeinya büpai Shembüpa touei mang thah.

2 ONGPATHÜ 1:13

Hanangkü ongpai jempabü veshan mübü, hatü büpalei veshan jom pinyipüan shom. Jempabü veshan mübüi aongei Elijah touei aümei shatü, “Oh Kahvang shennyak, chingmeilemlingei ngei hatü nüngei chongphobü jom pinyipüanei yangnyu kü phahjishih.

JEREMIAH 13:23

Ethiopia amei hangbong jeiaokhen je? nevaijü shahnyülei ow jeiaokhen je? Hapakei vailangmeyü ten dükei dhüdaipüthüi meiyao dükaokhen vaipeih.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

JEREMIAH 44:15

Hahepak kü laophülei shembünyüi lebü kahvang kü ayingshü jakei khümtepih shei nyingpü bahathü hatü halei ompü nyühathü, thaipü khong, Ijip kahdok Pathroslei nyupü nanglak peüi Jeremiah kü jangei e,

YOUNG LAI 5:17

Hanangkü hamei mongkü tüngnyüke, hatü hamei mük pumdaiteke.

EZEKIEL 34:4

ammi wong nekohpüthü kü wong koh-ei neleihü, tüngpü kü nejung, maju nethüng, paüeiyonei lüdaipüthü müei nelei, mahdaipüthü neyem, shejao kangeishungei loh-ei mangei jom shak kü vanglem lemteke.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.