ISAIAH 1:28 - DAÜLANGPÜ LAIHING (BSI)

²⁸ Shejao khüei yaongpü hatü mangthü chemi mahtükhen, hatü Shembüpa yaktükpüthü mahtükkemhen.

ISAIAH 1:28 Referans Kwoze

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

ISAIAH 30:13

hapa mangü am shingvaishi longi shaopü bham bhaokei ngangahük kü laampükei nyukahen.

JOB SHAHSHA APPÜ 31:3

Nedaünelangpü am kü shanghah, hatü mang dükpü am kü vongshüh nepeinyu je?

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

ISAIAH 65:11

Shejao am üami Shembüpa yaktük, üami ngelei daülangpü kahshang betük, üami lashüh tetpü kahvang kü khümei yiü lem longi vuktü shuohnya;

ISAIAH 50:11

Shejao am peü aw jakpüthü, awjung hühteipüthü; Ammi jakhahpü awbhaong kü, hatü ammi jakpü awlom kü kamtuh. Ngelei lak leipü ammi hapa danghen, am hanghi kü lemshi nyuhen.”

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

MENVIH KESHO 104:35

Mangthüyü kahdoknyü leipü mahtükhüte, hatü nemeipü am tenyuhü. Shembüpa kü moihimantuh, Oh ngelei laangha, Shembüpa men longtuh!

MENVIH KESHO 92:9

Mehenangkü nüngei vepathü mahdaihen, mang dükpüthü peü haidaihen, Oh Shembüpa.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

MENVIH KESHO 37:38

Shejao mang thahpüthü dhaomü mahhen; nemeipü amei hüshompheinaü mahdaikemhen.

MENVIH KESHO 9:5

Nüngi jatthü kü lohteke, nüngi nemeipüthü mangtük; nüngi den kü jomei men thitei yaktükteke.

MENVIH KESHO 5:6

Nüngi shahshem epüthü mahtüknyeih; Shembüpai iy howhüpü hatü lawlüppü kü jiühitnyeih.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 SAMUEL 12:25

Shejao ammi nedoh-i mang dükjema, am hatü ammei ong shei chemi büpai maoei yaktükhen” shei e.

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

ISAIAH 24:20

Kahdoknyü-ü yiüi chokpü am kei tüngtüngmüngi, hatü tapten kei yawteinyüke; hapalei mang hapa shangkü vihyaki nyüke, hatü dohen, hajük kü ne-yei nepao-aokhen.

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

ISAIAH 58:2

Mechem shangao daülangshemshepü düknyüpü jat keiha, hatü jomei Kahvangei shahkungthü neyakphongnyüpü keiha, nyihjeih jomi ngei yemnyüke, hatü ngelei lemthü nyinghünyüke; Jomi ngei kü shahhing shahphenpü nang phenyüke, hatü jomi Kahvang yopailei peihünyüke.

ISAIAH 66:17

Shembüpai enyüke: “Üami lebü kahvang kü khümhen, laophü nyingi daüeilangtüktü khongnyü mü hatü ookphai hatü yüphüh hatü lebü jiühitnalaipü hetlem hahpüthü mü vukei daihen, jom peü chemi mahkemhen” shei Shembüpai enyüke.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

2 SHÜPPÜKENGPÜ 21:10

Hapa nyih kübü Edom ami Judah khüei yaongpeih. Hahepak kü-üng Libnah amao khüei yaong; mehenangkü Jehorami chebü chepalei Shembüpa Kahvang yakphong.

2 SHÜPPÜKENGPÜ 28:6

Nyih hük kü Remaliahlei cheha Pekah-i Judah veshanthü 1, 20, 000 jütük; mehenangkü Judah ami Shembüpa, jomei bühipalei Kahvang yaktük.

2 SHÜPPÜKENGPÜ 28:23

Büpa kü hok neüshuohpü Damaska amei kahvang kü büpai moila shuoh; mehenangkü büpai, “Aram ongpalei kahvangi jom kü sheühpü nangkü ngei kao nyemsheühphanüng ngei hathü kahvangthü kü moila shuohhen hih” shei deih. Shejao hathü homei büpa hatü Israel am kemei doteke.

JOB SHAHSHA APPÜ 34:26

Mih peüi veishi jomi mang dükpü nangkü büpai jom kü üpnyüke;

JOB SHAHSHA APPÜ 34:27

mehenangkü jomi büpa phei nemü-i lepdai, hatü büpalei lem mepa kao ieyeilemei neyah,

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.