ISAIAH 1:25 - DAÜLANGPÜ LAIHING (BSI)

²⁵ Ngei nüng khüei ngelei lak nohen; Nyiamyung heenei daüpükei ngei ammei nedaünelang yaktükhen.

ISAIAH 1:25 Referans Kwoze

MALAKI 3:3

Büpayü nyiam jakei hienpü shennyak keiha nyukahen; büpai Levi am daühühen hatü daülangshemshepü kü Shembüpa kü moila shuohhen shingvaishi büpai jom hon hatü ngin kei daühühen.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

ISAIAH 1:22

Nüngei ngin kü diü aongdaiteke, nüngei yiüji kü yungi vuktükteke.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

EZEKIEL 22:22

Awbhaongei nyiam nyaüpü keiha am halei nyaühen, shejüang ngei, Shembüpai am kü ngelei mongshih khüpphopü khih shei ammi nyinghen.”

EZEKIEL 20:38

Amphong khong mü nyupü khüei yaongpüthü, hatü ngei khüei mang thahpüthü ngei shaaptükhen; jom benha kei nyupü kahdok leipü ngei jom mülanghen, shejao jom Israel kahdokei neshüaokhen. Shejüang ammi ngeiyü Shembüpa Kahvang khih shei nyinghen.

JEREMIAH 6:29

Awbhaong longi wong kohshi jaknyüke, shejao nemeipü nyiam nenyaü, nyiam heenbüi angkü nyiam heennyüke; hapa keiha jomei mang neyaktük.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

EZEKIEL 22:20

Shennyakthüi ngin, langnyiam, dam, nyiam hatü laktetnyiam nyaühühen shingvaishi nyahpü awbhaongei thaihüpü keiha ngei mongshihpai am thaiyei chingnyü mongei tuhtü nyaütükhen.

SHAHKÜP 32:43

Büpalei nanglakthü mü mongongtuh, Oh jatthü; Mehenangkü büpai laophülei nanglak mahpü bhüh yemhen; Büpai vepathü kü bhüh yemhen, hatü büpai laophülei nanglakei mang tükhen.

MENVIH KESHO 119:119

Kahdoknyü kü nemeipüthü peü kü büpai nyüphinya kei deihnyüke: hanangkü ngei nüngei shahkungthü kü bamnyeih.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

EZEKIEL 22:19

Hanangkü Shembüpa Kahvangi ha enyüke: “Am peü ngei touei makhishak leidaipü nangkü ngei am Jerusalemei thailanghen.

JEREMIAH 9:6

Shüveipü pheikü shüveipü, lueilempü pheikü lueilempü! Jomi ngei nyinghen nemongnyu shei Shembüpai enyüke.