ISAIAH 1:23 - DAÜLANGPÜ LAIHING (BSI)

²³ Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 1:23 Referans Kwoze

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

ZEKHARIAH 7:10

Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.

MÜLANGPÜ 23:8

Ammi yawhdou teyah; mehenangkü yawhdoui shahhing nyongnyongi leitüktü shennyakthülei mük phüngtüknyeih.

LUK SHAHSHA APPÜ 19:46

hatü büpai e: “Ha nyangei nyüke, ‘Ngelei shemü phoppü shem shei nyükhen; shejao ammi hayü gühpathülei dung leitükteke.’ ”

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ISAIAH 3:14

Shembüpai büpalei nanglak behethü, hatü mübüthü khüei shahphenhen yaongnyüke. “Ngelei nyalingngupai kah mangtükpü hayü am hih; hatü taopathülei douhinang ammei shemei nyüke.

MARK 11:17

Büpai jomphong kü nyuh-ei e: “Ha nyangei nenyupü je? Ngelei shemü jat peü shingvaishi phoppü shem shei nyükhen, shejao ammi ha gühpathülei dung leitükteke” shei e.

MATHI 21:13

Büpai jomphong kü, “Ha nyangei nyüke: ‘Ngelei shemü phoppü shem vaihen; shejao amphongi hapayü gühpathülei dung leitüknyüke’ ” shei e.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

HOSEA 9:15

Jomei mang dou lemphüli Gilgalei chongpangpeih, halei ngei jom kü jiühitei deihpeih. Jomi mang dou dükpü nangkü ngei jom ngelei shem kübü changtükhen. Ngei hajük kü jom kü nebampih, jomei mübüthü peü ngei khüei yaongteke.

HOSEA 4:18

Mechem yiü yingei kemhenshang, jomi mükbongjuyung düknyüke; Jomei vanglem lempüthüiyao veüpü lem kü kennyüke.

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

JEREMIAH 5:5

Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

KANDOK 29:24

Gühpa mü mongjem pongpeyü laophülei yangnyu kü jiühithahpü mon; Shahhing denpü neshuohhen büpa vanghütü tuhnyeih.

KANDOK 17:23

Nemeipü shennyaki joshi yawhdou yahnyüpeih, hatü shahhing lemthü nyongtüknyeih.

2 SHÜPPÜKENGPÜ 36:14

Anyei vaishi ngongpa mübüthü peü hatü nanglakthü nyeinya hingnelemi jatthüi dükpü jiühitnalai douthü dükei Shembüpai Jerusalemei daüei tuhpü phopshemao sheihtük.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

ISAIAH 1:22

Nüngei ngin kü diü aongdaiteke, nüngei yiüji kü yungi vuktükteke.

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!

ISAIAH 30:1

“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;

ISAIAH 65:2

Helushoei nemeipü shennyakthü, nemeipü lem kü kampüthü, laophüi deihpükei daipüthü,

JEREMIAH 4:17

Jomü kah yompü am kei shinei thainyüke; mehenangkü pinnyüi ngei khüei yaongteke, shei Shembüpai enyüke.

JEREMIAH 32:32

mehenangkü Israel hatü Judah nanglakthü mü jomei ongthü, lakchongbüthü, ngongpathü, thibüthü, Judah shennyakthü hatü Jerusalemei nyupüthülei mangi ngei mongshihhüpeih.

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

HOSEA 5:10

Judah amei mübüthüyü viong yaong chaiteipüthü kei nyüke, Yungnyü büng keiha ngelei mongshih jom kü bhümhen.

AMOS 5:12

Mehenangkü ammei mang meshük longpa ngei nyingei nyüpeih. Ammi daülangpüthü kü shüveinyüke, hatü yawhdou yahnyüke, hatü ammi shahphen shingei taopathü kü shahhing shahphenpü neshuohnyu.

MIKA 3:9

Ha bangtuh, am Jakob phang mübüthü, hatü am Israel phang kü vanglem lembüthü, ammi shahhing yaktüknyüke, hatü jiüpü peü nyongnyongi lingtüknyüke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

BHEI-IE 22:7

Hanangkü Moab hatü Midian am mübüthüi thaüvaüpü kü shuohhen lat kotü Balaam yemei daiyei Balaki shompü shahjang ejateke.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

ISAIAH 1:18

‘Peikei shaang, jeni chemi deih-ei dangtü eteishah’ shei Shembüpai enyüke. ‘Ammei mang longi hakshinyulangmao shüdao kei shoshi leidaihen; Ammei mang iyshüm kei hakshi nyujao phümphah kei shoshi leidaihen.

ISAIAH 28:14

Hanangkü Jerusalemei ha nanglakthü kü vanglem lempü changmeipüthü Shembüpalei shah bangtuh.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.