ISAIAH 1:21 - DAÜLANGPÜ LAIHING (BSI)

²¹ Mekei hajük monglempü chingnyü büm yupü am kei leidaipa! Chem hepak keyü pinnyü kü shahhingi maei daülangshemshepü nyuhampeih, shejao shaangü shennyak jüpü am leidaiteke.

ISAIAH 1:21 Referans Kwoze

SHAKEI VAMPÜ 11:8

hatü jomei mahmahngü jomei Shembüpa shophang kü appü chingnyü chingyangshongei shükshi nyuhen. Hapa chingnyülei men lappeyü Sodom nevaijü Ijip nyuhen.

SHAKEI VAMPÜ 11:2

shejao phopshem chingshe teshet; ha tuhphongtuh, mehenangkü hayü jatthü kü shuohtükpeih, hatü jomi hapa daülangpü chingnyü kü len pinyipünyi thahshi la-i shouphen.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

ISAIAH 48:2

Am nyingi daülangpü chingnyü kübü bümeiyangma hih shei, hatü Israel Kahvang, Jeiyong Shembüpa kü mongnyangshi nyunyeih shei ehahnyüke.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

MENVIH KESHO 48:8

Hami danei nyuhampeih; hapa keiha Jeiyong Shembüpalei chingnyü kü, hamei Kahvangei chingnyü kü büpai mehe dük, ha eetepih; büpai chingnyü den kü yangei tuhhen.

MENVIH KESHO 48:1

Longpeyü Shembüpa, hatü jenei Kahvangei chingnyü kü büpa longi vihhen nyüke.

MENVIH KESHO 46:4

Kahvang chingnyü mongonghüpü, Jaipüba nyupü daülangpü shing mongmeihüpü yungyen hük nyüke.

NEHEMIAH 11:1

Shaang nanglak mübüthü peü Jerusalemei nyu, hatü aopü nanglakthüi shennyak an kü bahük daülangpü Jerusalem chingnyülei nyuhen, hatü aopü phaihan shü lebü jilathülei nyuhen nangkü phongyomteke.

2 SHÜPPÜKENGPÜ 19:9

Büpai hathü kü hathü ngeükhüam shuoh: Shembüpa kü nyempü kü ammi shahhing hatü mong kempai chongphotuh.

2 SAMUEL 8:15

Davidi nanglakthü peü kü mehe shahhing hatü jiüshangpü ha dükei Israel am peü shak kü vanglem lem.

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

ISAIAH 1:22

Nüngei ngin kü diü aongdaiteke, nüngei yiüji kü yungi vuktükteke.

ISAIAH 59:3

Mehenangkü ammei lak kü iy khashi nyüke, ammei laki shaitüktü nyüke. Ammei jubenyeijaangi shahshem enyüke, hatü ammei jubenyeijaangi nemeipü dükhen nümnümnyüke.

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

ISAIAH 59:15

Shahhing taodai, hatü üami mang tuhtüknya, jom-ang lomohnyüke. Shembüpai veiteke, hatü shahhing ne-eepü nangkü mongmangteke.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

HABAKKUK 1:4

Hanangkü shahkungnyü juwdai hatü shahhing neshiü. Shennyak tenthüi daülangpüthü kü shonlangteke; hanangkü shahhingü shahshem leitükteke.

ISAIAH 26:10

Nemeipüthü kü phahji hushuohjao jomi jiüpü dükhen nenyingnyu; daülangpüthü nyupü kahdokei dangkao jomi ten düknyüke, hatü Shembüpalei nganhilong kü ne-ienelemnyu.