ISAIAH 1:2 - DAÜLANGPÜ LAIHING (BSI)

² Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

ISAIAH 1:2 Referans Kwoze

SHAHKÜP 32:1

Bangtuh, Oh vangshothü hatü ngei ephüshah; Bangtuh, Oh kahdok, ngelei ju kübü shahthü kü.

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

SHAHKÜP 4:26

ammi Jordan yungyen homei yahpü kahdok leipü amphong lomi mahdaihen shei shinnyih ngei kahdok vangsho kü am khüei denpü vaihen nyüknyüpeih. Amphong halei luangi nenyuhen shejao hingmei mü mahdaihen.

MENVIH KESHO 50:4

Büpai laophülei nanglak shahphenhen nangkü shangei vangshothü kü, hatü kahdoknyü kü nyüknyüke.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MIKA 3:8

Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

AMOS 3:1

Oh Israel nanglakthü, Shembüpai Ijip leipü müei leipü jat kemei, büpai am khüei epü shah bangtuh.

EZEKIEL 36:4

Hanangkü Oh Israel kahshangthü, Shembüpa Kahvangei ngeü bangtuh: Am shinei nyupü jatthüi mophimo yahlangtü ne-ienelemi lavüngtoiyei yakphongpü kahshang, kahji, shanghishong, shohinga, lavüngtoiyei yakphongpü shinghiphei hatü jilathü kü Shembüpa Kahvangi ha enyüke.

JEREMIAH 22:29

Oh kahdok, kahdok, kahdok, Shembüpalei shah bangtuh!

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

ISAIAH 65:2

Helushoei nemeipü shennyakthü, nemeipü lem kü kampüthü, laophüi deihpükei daipüthü,

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.

ISAIAH 30:1

“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

JEREMIAH 13:15

Bangtuh hatü mong shuohtuh, am techangmei; mehenangkü Shembüpai eteke.

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

MENVIH KESHO 49:1

Ha bangtuh, am nanglakthü peü, hapa kahdok kü nyupüthü,

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

ISAIAH 34:1

Yopailei peikei, Oh jatthü, hatü bangtuh; Oh shennyakthü kenhingtuh! Kahdoknyü hatü halei nyupüthü peü, kahdoknyü hatü haleipü vampüthü peüi bangtuh.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

EZEKIEL 24:3

Hapa khüei yaongpü nanglakthü kü, ‘Shembüpa Kahvangi hapa shahlap enyüke’ shei etuh: Nükdük chantuh, ha chantuh, ha kü yung shihtuh.

2 ONGPATHÜ 21:22

Büpai Shembüpa, chebü chepa amei Kahvang yakphong, hatü Shembüpalei lem kü nekam.

MIKA 1:1

Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.