ISAIAH 1:18 - DAÜLANGPÜ LAIHING (BSI)

¹⁸ ‘Peikei shaang, jeni chemi deih-ei dangtü eteishah’ shei Shembüpai enyüke. ‘Ammei mang longi hakshinyulangmao shüdao kei shoshi leidaihen; Ammei mang iyshüm kei hakshi nyujao phümphah kei shoshi leidaihen.

ISAIAH 1:18 Referans Kwoze

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

MENVIH KESHO 51:7

Hyssop yah-ei ngei daütükshih, hatü ngei daüdaihen; ngei paütükshih, hatü ngei shüdao mao shoshi leidaihen.

ISAIAH 41:21

Amphongei shah shahphenshingei deikeishei Shembüpai enyüke; Amphongao meshük thahshi shah kü dakteiaokhen deikei, shei Jakobei Ongpai enyüke.

ISAIAH 41:1

Amphongi nenmü ngei epü kü bangtuh, Oh yungkungei nyupüthü! Jatthüi laophülei wong ja kohhütuh, jom chemi peiyei nyem-e; jen chemi shahphen shingei peishah.

ROM SHAHSHA APPÜ 5:20

Shejao mang nyeinya dahühen shingvaishi shahkungnyü vamhü; shejao melei mang dapa, nyeinya phahji dapeih.

PHONGSHANTHÜ DOU 18:4

Sabbath nyih ieyei kü büpai Sinagoglei shah shükteiyei nyu, hatü büpai Jehoda hatü Greek am lepei leihen khe.

1 SAMUEL 12:7

Hanangkü shaang, hammü yaongtuh; mehenangkü Shembüpa am hatü ammei bühipa yanghen shingvaishi dükpü douthü am mü Shembüpa touei ngei shahphen shingei yah-ei shühen.

PHONGSHANTHÜ DOU 17:2

Büpalei vanglem aimü büpa halei shü, hatü sabbath nyih jem thahshi laihing leipü yah-ei jomphong mü shah daktei,

JEREMIAH 2:5

Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

PHONGSHANTHÜ DOU 24:25

Pauli shahhing epü, ungeiaeipü hatü ngoikahen shahphenpü nyih nang ejashingkü Felix nyemei pei, hatü, “Shaang shingvaishi hajük vaishah; ngei hepak meipü kü ngei nüng nyüknüng shomphahen hih” shei epeih.

MIKA 6:2

Shembüpai thaüvaüpü kü bangtuh, Oh kahshangthü; hatü bangtuh am nedohnetenpü kahdoknyü chongnyiamthü. Mehenangkü Shembüpai laophülei nanglak khüei shahphenhen nyüke; Büpai Israel am khüei thaüvaü hük yah-ei peikünyüke.

JOB SHAHSHA APPÜ 9:33

Henji nyiphen kü lak shihhen mü henji aa kü shahphenbü hanei nyulangmeyü,

ISAIAH 50:8

Büpa, üpai ngei dah shakhünya, ngei yopailei nyüpeih; Üpai ngei khüei yaongaokhen? Dhe dhe gongei pongshah! Ngelei vepa üpa shangkü ngei mü thep pongshah!

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

EZEKIEL 18:27

Shejao mang shennyak hük mang lem kübü nyokei leiyei mehe shahhing hatü jiüpa, ha dükjema, büpai laophülei yangnyu yangnyüke.

EZEKIEL 33:16

Büpai thahpü mang hükao büpa khüei deih-ei nedanghen. Büpai mehe shahhing hatü jiüpa, ha dükteke; büpa hingmei yemmü nyuhen.

MENVIH KESHO 51:9

Ngelei mangthü kübü nüngei dhe jodaishih, hatü ngelei mangthü kemei thittükshih.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 3:13

Shembüpai shahphenpü uoshingei uonyüke, hatü nanglakthülei shahphenhen yaongnyüke.