ISAIAH 1:16 - DAÜLANGPÜ LAIHING (BSI)

¹⁶ Am nyingi paütüktuh, hatü daülangi leituh. Am toueipü ammi dükpü doulemthü yaktükkemtuh, ten dükpü dohdaituh.

ISAIAH 1:16 Referans Kwoze

1 PETER 3:11

hatü jom ten kübü nyokei leiyei mei düktuh; jomi chingmei yemei ha kü changei daihütuh.

1 PETER 2:1

Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

MATHI 3:8

Mong lepei leipü shangshi betjük jüktuh.

ISAIAH 52:11

Layaongtuh, layaongtuh, haleipü lüdaituh! Nedaünelangpü dou kü tehong! Haleipü vamei lüdaituh, hatü Shembüpalei yungshongthüao kotuh.

MENVIH KESHO 26:6

Ngei pungpü neshiü shei lak hühtüknyeih, hatü nüngei moidü shinei dainyeih, Oh Shembüpa.

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

AMOS 5:15

Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.

JEREMIAH 25:5

Jomi am kü, “Shaang am peüi ammei nemeipü lemthü hatü ammei douten kübü mong leptuh. Shejüang Shembüpai am hatü ammei bühipa kü denshing shuohpü kahdokei nyuhen.

MENVIH KESHO 37:27

Mang kübü yantuh, mei düktuh; shejüang hapa kahdok kü am den kü nyuhen.

MENVIH KESHO 34:14

Mang kübü yantuh, mei düktuh; chingmei yemtuh hatü ha changei daituh.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

KANDOK 4:27

Nüngi laknyong lakdah kü teleplük; nüngei la mang lem kübü shuonglangtuh.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

JEREMIAH 18:11

Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.

JEREMIAH 26:3

Üpai nyingpa, jomi ha bangei jom peü laophülei mang lem kübü mong lephen aokpeih. Shejema jomi dükpü mang nangkü ngei jom shangkü koei peihen shei tempü shanghah kübü ngei mong yeiyahen.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JONAH 3:8

Shejao shennyak hatü yemhimak peü kü dhoila ashak ümhütuh, hatü peüi shülangi Kahvang kü nyüktuh. Peüi laophülei mang lem hatü depülaopü yakphongtuh.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

2 ONGPATHÜ 17:13

Shembüpai Israel hatü Judah kü büpalei thibüthü, hatü manghkhangthü homei, “Ammi ammei mang lemthü kübü mong leptuh, hatü ngei ammei bühipathü kü dükhen shuohpü, hatü ngei am kao ngei chongphopü thibüthü homei shuohpü shahkungnyüthü bangei düktuh” shei shahvüng shuoh-ei eteke.