ISAIAH 1:15 - DAÜLANGPÜ LAIHING (BSI)

¹⁵ Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

ISAIAH 1:15 Referans Kwoze

MIKA 3:4

Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

KANDOK 1:28

Hahepak kü ammi ngei kü nyükhen; shejao ngei am kü nejanghen; Ammi ngei yemhen, shejao ngei nedanghen.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

MENVIH KESHO 66:18

Ngelei mongi mang lümjema, Shembüpai ngei epü nedanlangphahen.

1 ONGPATHÜ 8:22

Hahepak kü Solomoni Shembüpalei moidü touei heih-ei Israel nanglakthü touei yaongtü vangsho philei lak haongtü,

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

MENVIH KESHO 55:1

Ngei phoppü kü bangtuh, Oh Kahvang, ngei yüpü kü nüng tejodai.

JOB SHAHSHA APPÜ 27:20

Nyempühanpai büngi kei jom bhongei shanlangnyüke; hatü vangnyak kü alüngleple-i jom maoei lüdainyüke.

1 ONGPATHÜ 8:54

Mechem Solomoni Shembüpalei moidü touei lashüh-i shüngtü vangsho lemei lak haongtü phopei tempa, büpa haleipü yaongei,

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 6:7

Mechem ammi phophenshang, Kung ami epükei yahlak neshiüpü shah thaiyei tephop; mehenangkü shah longi epai danlangphahen shei jomi deihnyüke.

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

MENVIH KESHO 134:2

Daülangpü shingei ammei lak haongtuh, hatü Shembüpa vihtuh!

EZRA 9:5

Mechem om kü moila shuohhen hepak ngoipa, ngei shüaeiyungleyei shaaktükpü ashakviha owtü nyupü kübü pao, hatü Shembüpa, ngelei Kahvang kü lashüh-i shüngei lak haongtü,

JOHAN 9:31

Kahvangi mangthülei shah nebangnyih shei jeni nying, shejao üpai büpa kü khüm, hatü büpai mongpü dükpüthülei shah bangnyeih.

MÜLANGPÜ 9:29

Mosai büpa kü, “Ngei hapa chingnyü kübü leidaihinüng, Shembüpa kü ngelei lak haongei phophen, hatü vangmuk khungpü dohdaiphahen, hatü shüyaong hajük kü nevükahen shei e.

JOB SHAHSHA APPÜ 35:13

Hingmei, Kahvangi shahshemi lenpü kü nebangnyih. Jeiyong Kahvangi henüng kü dhaong neshaangnyih.

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

ISAIAH 45:15

Hingmei, nüngü laophü nyingi joshi nyupü Kahvang khih; Oh Israel Kahvang, Yemleipüba.

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

EZEKIEL 11:6

Hapa chingnyülei ammi shennyak longi jüteke, hatü chingyangshong kü mahmahngi mahüteke.

EZEKIEL 14:3

“Shennyak ha, hathü shennyakthüi lajeithü kü jomei mong kemei shuohtükteke, hatü hapai jom mang lemei mühünyüke. Jomi phepü kü ngei jom kü jangpü shuohhen je?

EZEKIEL 39:23

Ngei kü hingnelempü jomei mang tata kü Israel nanglakthü wüpküpei daipü khih shei lebü jatthüi nyinghen. Hanangkü ngei jom toueipü ngelei dhe jodai, hatü vepalei lak kü shuoh, hatü yani mahpeih.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

KANDOK 6:17

Changmeiyei naammük veipü, shahshem epü yeijaang, mih kü iy-aongshapü lak;