ISAIAH 1:12 - DAÜLANGPÜ LAIHING (BSI)

¹² Mechem amphongi ngei mü pongteinüng peihenshang, hathü koei peikei shei üpai ephopa? Hajük kü ngei nyushingei la teshuopkei.

ISAIAH 1:12 Referans Kwoze

MÜLANGPÜ 34:23

Vangbong kü jempa bahathü kemei Shembüpa Kahvang, Israel amei Kahvang touei khümnüng peikei.

MÜLANGPÜ 23:17

Vangbong kü jempa am bahathü kemei ngei, Shembüpa Kahvang touei khümhen peikei.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

CHONGVENBÜ 5:1

Shembüpalei shemei mechem nüng daihenshang lakhila kenhingshi daituh. Jiüpü nejiüpü nenyingi ngapa kei moila shuohpü leimeyü yopailei heih-ei banghahpü-üng meipüba.

MENVIH KESHO 40:6

Jakpü moila hatü moila nüngi nenanyu, yemhimak jüei jakpü moila, mang moila nüngi neyünyu, shejao nüngei shah banghen nüngi ngei kü dhaong shuohteke.

SHAHKÜP 16:16

Shembüpa, ammei Kahvangi jepü khümshingei nanglakthü vangbong kü jempa thahshi Hompü Mo, Hahvet Mo hatü Ashakshem Mo hepak kü thaikahen. Üpaiyao Shembüpa touei lakkong nepeihen vongbong.

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

JEREMIAH 7:11

Am shingvaishi ngei kü khümpü shemü gühpathülei chephijaan neleihen je? Ngei ha kü veishi nyüpeih shei ammi nyingei nyüke shei Shembüpai enyüke.