ISAIAH 1:11 - DAÜLANGPÜ LAIHING (BSI)

¹¹ Ammi moila hajükjük shuohpai shei ngei mehe vaihen? Moila shuohbenüng mithü, hatü het changshi üh-ei haümpü yemthü changtü nyeishi nyüpeih. Ngei mohoh chebaongei iy, mi iy, nevaijü yum iy kü mongneongnyih.

ISAIAH 1:11 Referans Kwoze

AMOS 5:21

Ngei ammei mohitap kü jiühitnyeih, hatü am thaipüyupü kü ngei mong neongnyih.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

ISAIAH 66:3

Üpai mohohbaong jüei moilanya, büpayü shennyak jüpü keipü hih, hatü üpai mi cheha moilanya, büpayü shi üng kü vetpü keipü hih; Üpai hahying moila shuohnya, büpayü ookei iy moilapü keipü hih, hatü üpai ayingshü jakei moila shuohnya, büpayü lajei kü khümpü keipü hih. Jomi laophüi lümpü lemthü jeteke, hatü jiühitnalaipü dou kü jom mongmeinyüke.

MIKA 6:7

Mi cheha haja longi müei peijajü, nevaijü olive mainga yungyen haja an mü mongmeihen je? Ngei pungpü nangkü ngelei hashong, ngelei mang nangjei ngelei büm kübü betjük shuohhen hiang?

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

MENVIH KESHO 50:8

Ammei jakpü moila nangkü ngei am kü lohnyu nevai; ammei jakpü moila ngei touei nedoh-i nyüke.

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

MATHI 9:13

Shejao daituh hatü, ‘Ngeiyü jakpü moila nevai, phahji napeih’ shei epü mehe lappa, ha nyinghahtuh. Mehenangkü ngeiyü daülangpüthü nevai, mangthü nyükhen peipeih” shei e.

MENVIH KESHO 51:16

Mehenangkü nüngi jakpü moila kü mongneongnyih, ngei paoh jakpü moila shuohjao nüngi ha kü mongneonghen.

JEREMIAH 7:21

Jeiyong Shembüpa, Israel Kahvangi hapakei enyüke: Ammei moilathü kü jakpü moilathü üeishuoh, hatü haleipü phai hahtuh.

MATHI 22:4

Shao büpai lebü chongphobüthü kü, “Nyükpüthü kü hapakei etuh: Veituh, ngei mo temtepih, ngei mohohbaong hatü nitshüpü mohoh chehathü jütepih, hatü lemphü temei nyüpeih; yiükjing molei peikei” shei ehen shom.

BHEI-IE 7:45

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

MENVIH KESHO 40:6

Jakpü moila hatü moila nüngi nenanyu, yemhimak jüei jakpü moila, mang moila nüngi neyünyu, shejao nüngei shah banghen nüngi ngei kü dhaong shuohteke.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

ISAIAH 58:2

Mechem shangao daülangshemshepü düknyüpü jat keiha, hatü jomei Kahvangei shahkungthü neyakphongnyüpü keiha, nyihjeih jomi ngei yemnyüke, hatü ngelei lemthü nyinghünyüke; Jomi ngei kü shahhing shahphenpü nang phenyüke, hatü jomi Kahvang yopailei peihünyüke.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

AMOS 5:22

Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

HAGGAI 2:14

Hahepak kü Haggai-i eteke, “Hapakei ha nanglakthü hatü ha jat ngei touei nyüke shei Shembüpai enyüke. Mehe mehe jomi düknya, hatü mehe mehe jomi shuohnya, peü nedaüpü nyüke.”

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

AMOS 4:5

Menvih moila daw shihpü aan deikei, hatü ammi haüpüwongpü moila shuohpü kü mongmeituh; mehenangkü ammi henüng dou dükhen kennyüke, Oh Israel nanglakthü, shei Shembüpai enyüke.