ISAIAH 1:10 - DAÜLANGPÜ LAIHING (BSI)

¹⁰ Shembüpalei shah bangtuh, amphong Sodom am vanglem lempüthü; Jenei Kahvangi venpü bangtuh, amphong Gomorrah nanglakthü!

ISAIAH 1:10 Referans Kwoze

SHAKEI VAMPÜ 11:8

hatü jomei mahmahngü jomei Shembüpa shophang kü appü chingnyü chingyangshongei shükshi nyuhen. Hapa chingnyülei men lappeyü Sodom nevaijü Ijip nyuhen.

EZEKIEL 16:49

Anaü Sodom amei mangü hapa nyupeih: Pinnyü hatü pinnyülei yiükhathüyü changmeiyei moh-ei hahtü taopathü hanghipü kü neveihampeih.

AMOS 9:7

Ngei kü amphongü Ethiopia am nelepü je? Oh Israel nanglakthü shei Shembüpai enyüke. Ngei Israel am Ijip leipü; Philistia am Kaphtor leipü; hatü Aram am Kir leipü müei neleiangpü je?

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

ISAIAH 3:9

Jomei dhe kü veijü-üng jom khüei denpü shuohhahpü eenyüke; Jomi Sodom am keiha ngaiheyei mang düknyüke. Onyükei! jomi jom nyingi shanghah koei peihahteke.

SHAHKÜP 32:32

Jomei nyalingngupaiyü Sodom leipü, hatü Gomorrah amei nyalingngupai kah leipü kei nyüke; Jomei nyalingngupaiyü nemeipü leü kohshi nyüke, hatü hathüyü shahyaki nyüke.

ROM SHAHSHA APPÜ 9:29

Hapayü Isaiah-i shelei epükei: “Jeiyong Shembüpai jen kü hühihathü netuhlang meyü, jenü Sodom hatü Gomorrah am kei leidaihah shepeih.”

AMOS 3:8

Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?

AMOS 3:1

Oh Israel nanglakthü, Shembüpai Ijip leipü müei leipü jat kemei, büpai am khüei epü shah bangtuh.

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

ISAIAH 28:14

Hanangkü Jerusalemei ha nanglakthü kü vanglem lempü changmeipüthü Shembüpalei shah bangtuh.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

KAHBHAO 13:13

Shaang Sodom amü ahshi nemei, hatü Shembüpa khüei mang longi thah.

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

EZEKIEL 13:2

Shennyak ha, Israel am thibüthü üamphong teteivanei enya, hathü nyonghüei teteivanei etuh; laophü kü deihja deihja kei tetpüvanpüthü kü, “Shembüpalei shah bangtuh” shei etuh.

MIKA 3:1

Hathü ngei eteke: Bangtuh, amphong Jakob mübüthü, hatü am Israel phang kü vanglem lembüthü: Shahhing nyinghenü am shing nevaipü je?

EZEKIEL 16:35

Hanangkü, Oh büm yupüthü, Shembüpalei shah bangtuh: