ISAIAH 1:1 - DAÜLANGPÜ LAIHING (BSI)

¹ Judah kü Uzziah, Jotham, Ahaz hatü Hezekiah hathüi ong vaipü hepak kü Amozlei cheha Isaiah-i Judah hatü Jerusalem nangkü eepü manghkhang.

ISAIAH 1:1 Referans Kwoze

2 SHÜPPÜKENGPÜ 26:1

Hahepak kü Judah nanglakthüi Uzziah, nyübüh vangbong anpüvok nyushi chepa Amaziah kü jeiyei ong vaihüteke.

2 ONGPATHÜ 18:1

Israel kü Elahlei cheha Hoshea-i ong vaipü bong jempabü kü Hezekiahlei cheha Ahaz-i Judah kü ong vaiteke.

ISAIAH 7:1

Mechem Jothamei cheha, Uzziahlei chehü Ahaz ongpai Judah kü vanglem lemei nyupa, Aram am Rezin ongpa hatü Remaliahlei cheha Pekah, Israel amei ongpa nyi Jerusalem hahhen shingvaishi aong, shejao jomi nehah-aok.

ISAIAH 6:1

Uzziah ongpa dipü bong, Shembüpa ong uoshing longi shaopü kü uoshi ee, hatü büpalei ashak maijung Phopshem maei yaüshi nyu.

ISAIAH 2:1

Judah hatü Jerusalem nangkü Amozlei cheha Isaiah kü Kahvangi shuohpü shah:

MENVIH KESHO 89:19

Chem nüngi manghkhang kü eteke, nüngei hinglempü nanglak kü eteke: “Shongnyü veshan hük kü ngei sheühtepih; nanglak khong kübü jepü nethe hük kü ngei ong uoshing shuohtepih.

BHEI-IE 24:16

Kahvangei shah danaokpü shennyaki tetpüvanpü shah; Üpa kü Jaipübalei kon nyüpa, üpai Shembüpa Kahvang leipü manghkhang eenya, Üpai mük vamshi, shejao shomeiyingei shanya:

AMOS 1:1

Hapayü Judah kü Uzziah ongpa hatü Israel kü Joashlei cheha, Jeroboam ong vaipü hepak kü pedi vükhen bong nyi shekü Israel am nangkü Tekoa am miyombü Amos-i eepü manghkhang nyüke.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

ISAIAH 40:9

Kahshang shaopülei aongtuh, Oh Zion, shahjang meipü baongeishuoh; Wongmü ngeüwong antuh, Oh Jerusalem, shahjang meipü yaneishuoh. Nyempü neshiüi etuh; Judah jilathü kü, “Ammei Kahvang peikünyüke” shei eyeishuoh.

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

ISAIAH 13:1

Babylon am nangkü Amozlei cheha Isaiah-i eepü manghkhang shah:

2 ONGPATHÜ 15:32

Israel kü Remaliahlei cheha Pekah-i ong vaipü bong nyipabü kü Uzziahlei cheha Jothami Judah kü ong vaiteke.

2 ONGPATHÜ 15:7

Azariah di, hatü chebü chepa mü David Chingnyülei mahng vü, hatü cheha Jothami büpa kü jeiyei ong vaiteke.

2 ONGPATHÜ 15:1

Israel kü Jeroboami ong vaipü bong hapünyetpabü kü Judah kü Amaziahlei cheha Azariah-i ong vaiteke.

PHONGSHANTHÜ DOU 26:19

Hanangkü, Agrippa ongpa, ngei hapa pheikü vangsho amei manghkhang ven nedani nenyuangpih,

PHONGSHANTHÜ DOU 10:17

Shaang Peteri hapa manghkhangü mehe vaihenang shei longi jü-üei nyushingkü ngangahük kü Kornelius-i shompü shennyak jem peiteke. Jomphongü Simon amei shem yemei peshadenei yaongshi nyu.

MATHI 17:9

Jomphong kahshang leipü leishingkü Jisui jomphong kü, “Shennyak Ha dipü kübü yangei manglei thahshi hapa manghkhang jung üpa kao te-e” shei ngeükhüam shuoh.

HABAKKUK 2:2

Hahepak kü Shembüpai ngei kü jangei eteke: Mokyakiyao ieaokhen mü hapa manghkhang yaongba kü nyangtuh.

NAHUM 1:1

Hapayü Nineveh am nangkü Elkosh am Nahum thibüi eepü manghkhang jung nyangpü nyüke.

MIKA 1:1

Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.

HOSEA 1:1

Judah amei ongthü, Uzziah, Jotham, Ahaz, hatü Hezekiah hepak kü, hatü Joashlei cheha Jeroboami Israel kü ong vaipü nyih kü Beerilei cheha Hosea touei Shembüpalei shah peiteke:

BHEI-IE 24:4

Kahvangei shah danaokpü shennyakei tetpüvanpü shah; üpai Shembüpa Kahvang leipü manghkhang eenya, üpai mük vamshi shejao shomeiyingei shanya:

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

2 KORINT 12:1

Hapa kübü mehe nangleiyao nedangjao ngei changmeihen nadang khih, shejao ngei SHEMBÜPAleipü manghkhang hatü shakei vampü kü nedoh-i daihen.

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.

2 ONGPATHÜ 15:13

Judah kü Uzziah-i ong vaipü bong hapüanpü shüpabü kü Jebeshlei cheha Shallumi Israel kü ong vai, hatü büpai Samarialei lenyang hük mon ong vaiteke.

2 ONGPATHÜ 19:2

Büpai ongshem veibü Eliakim, laknyangbü Shebna hatü ngongpa behethü jom peü dhoila ashak ümtü Amozlei cheha Isaiah thibü touei shom.

2 SHÜPPÜKENGPÜ 26:22

Amozlei cheha Isaiah thibüi Uzziah ongpai dükpü douthü chongpangpü kübü dohpü thahshi nyangei nyüke.

2 SHÜPPÜKENGPÜ 27:1

Jotham ong vaishingkü büpalei nyübüh bong hapünga nyu, hatü büpai Jerusalemei bong anpüvok ong vaiteke. Chenyü-ü Zadokei yiükha meni, Jerushah nyu.

2 SHÜPPÜKENGPÜ 28:1

Ahaz ong vaishingkü nyübüh bong kukha nyu, hatü büpai Jerusalemei bong anpüvok ong vaiteke. Chebü David kei nevai-i, büpai Shembüpa touei mehe jiü, ha nedük.

2 SHÜPPÜKENGPÜ 29:33

Moila shuohhen lanei shuohpü mohohbaong kho vok hatü mi hi yum haja jem nyuteke.

ISAIAH 20:2

Hahepak kü Shembüpai Amozlei cheha Isaiah homei, “Nüngei büm leipü dhoila ashak bhühtüktuh, hatü lathuh bhühtüktuh” shei e, hatü büpai hapakei bhühtükkemtü bümkong hatü labai kamteiyei nyu.

ISAIAH 37:2

hatü büpai ongshem veibü Eliakim, laknyangbü Shebna hatü ngongpa behethü dhoila ashak ümtü Amozlei cheha Isaiah thibü touei shom.

ISAIAH 38:1

Hathü nyih kü Hezekiah tüngei dihen mü nyuteke. Amozlei cheha Isaiah thibü büpa touei peiyei, “Shembüpai hapakei enyüke: Bükhishem meishi jungtüktuh, mehenangkü nüng sheyü didaihen, hatü hapa dinshan kübü neyangpih” shei e.

EZEKIEL 1:1

Vangbong hapüan mü lenyang alipabü nyih ngapabü kü ngei Kebar yungyenei wüpküpei deipüthü mü nyushingkü vangshothü ap hatü ngei Kahvangei manghkhang eeteke.

AMOS 4:5

Menvih moila daw shihpü aan deikei, hatü ammi haüpüwongpü moila shuohpü kü mongmeituh; mehenangkü ammi henüng dou dükhen kennyüke, Oh Israel nanglakthü, shei Shembüpai enyüke.