HOSEA 9:9 - DAÜLANGPÜ LAIHING (BSI)

⁹ Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

HOSEA 9:9 Referans Kwoze

HOSEA 10:9

Oh Israel, am Gibeahlei nyushi mebü ami mang thahpeih, Gibeahlei mang dükpüthü vehok kü nemah-angpü je?

SHAHPHENBÜTHÜ 19:16

Mechem jomphong chingshongei nyupa, bajei hük kahlei shapü aong. Büpa shongeiyü phaüshang kahmük Ephraimei nyuhamteke, shejao hahepak kü Gibeahlei nyu. (Lebü nanglak kempeyü Benjamin jat nyuteke.)

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

SHAHPHENBÜTHÜ 19:12

Shejao büpalei shembüpai büpa kü, “Israel am nevaipü kung amei chingei nepaümpih. Jeni hapa ching peih-ei maani daiyei Gibeah ngoishah” shei e,

SHAHPHENBÜTHÜ 20:43

Jomi Benjamin am shümei yahtü heongphi Gibeah thahshi changei shanei jüteke.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

HOSEA 4:9

Nanglakthü kei-üng ngongpathüao aihük hanghi-i ngei jom hanghihühen, hatü jomei douthü kü ngei nyokei shuohhen.

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

HOSEA 7:2

Shejao jomei douten kemei ngei deihshi nyüpeih shei jom kü leyei nepeinyu. Jomei mangi jom kü mük neshai-i veinyüpeih.

HOSEA 9:8

Thibüyü ngelei Kahvang leimao Ephraim am yombü nyüke, shejao büpalei lem peü kü aethitai haenshi nyüke, hatü Kahvangei phopshemei vepa nyüke.

ZEPHANIAH 3:7

Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

SHAHPHENBÜTHÜ 19:22

Mechem jom hapakei hahyingtü jaüteiyei nyupa, ngangahük kü ching leipü shennyakten hanei peiyei shem shümei yahtü sha kü daüpei khungteke. Jomi hapa bajeipa kü, “Nüngei shemei ngoiyei nyupü shennyak chingshelei ngaishih; hami büpa mü mükbongjuyung dükhen hih” shei e.

EZEKIEL 21:28

“Shennyak ha, nüngi ha teteivantuh hatü etuh: Ammon am hatü jomi eelapü nangkü Shembüpa Kahvangi hapakei enyüke. ‘Yanlu hük, yanlu hük, jühen tukei anteke; Jühen shingvaishi klang kei nyangshi jintükteke.