HOSEA 9:8 - DAÜLANGPÜ LAIHING (BSI)

⁸ Thibüyü ngelei Kahvang leimao Ephraim am yombü nyüke, shejao büpalei lem peü kü aethitai haenshi nyüke, hatü Kahvangei phopshemei vepa nyüke.

HOSEA 9:8 Referans Kwoze

HOSEA 5:1

“Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

EZEKIEL 3:17

“Shennyak ha, ngei nüngü Israel jat kü yombü leihüteke; hanangkü ngei epü shah bangtuh hatü jomphong kü ngelei shahvüng shuohtuh.

MIKA 7:4

Jom meiden dohpeyü daümnyak hüh kei nyüke, peü mü daülangshemshepeyü hühying kei nyüke. Kahvangi mi yombüthü hatü thibüthü homei epü keiha nanglakthü hanghihühen nyih ngoiteke. Shaang jomü üathamapü kü nyüke.

ISAIAH 62:6

Ammei bham kü, Oh Jerusalem, ngei yombü tuh-ei nyüpeih; Nyihnüng yanüng kemei jom nenmü nenyukahen. Am üami Shembüpa kü nyüknya, nyiumeiyei tenyu.

HEBREW 13:17

Ammei mübüthülei ven bangtuh, hatü jom phangkü shütuh; mehenangkü jomi ammei laangha kü veishi nyunyeih, hatü am nang jomi shah-om shuohhen. Jomi epü ammi bangjema, jomi mongongpai jomei dou dükkahen, hei nevaijema jomi mongmangpai dükkahen, hatü hapayü am shing nanglei nevaikahen.

JOHAN 15:24

Üpaiyao mangdükpü dou ngei jomphong touei nedüklangmeyü jomi mang nethahhah shepeih. Shejao shaang jomi ha eeteke, hatü ngei hatü Opa henjiphen kü jiühitnyüke.

EZEKIEL 33:7

Hanangkü shennyak ha, ngei nüngü Israel am jat shingvaishi yombü hük leihüpeih; mechem nüngi ngelei ju kübü shah danhenshang, nüngi jomphong kü ngelei shahvüng shuohtuh.

YOUNG LAI 4:13

Shejao hapayü thibüthülei mang tata kü, hatü ngongpathüi mang neshiüpü hangku jütükpü nangkü vampü khih.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 31:6

Ephraim phaüshang kahmük leipü veyompüthüi nyükhen nyih hük vamkahen.” “Kei, jeni Zionlei jenei Shembüpa Kahvang touei aongshah.”

JEREMIAH 14:13

Hahepak kü ngei eteke, “Oh Shembüpa Kahvang! Halei thibüthüi nanglakthü kü, ‘Ammi yan ne-eepih, nevaijü münghishaü nenyuküpih, shejao ngei hapa kahdok kü chingmeivangmei mon shuohhen’ shei enyüke.”

JEREMIAH 6:17

Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

SOLOMONEI KESHO 3:3

Ching yompüthü heüei ngei jom kü, “Ngei bampüba heüla?” shei pheshuohpeih.

2 ONGPATHÜ 13:21

Chem hepak kü Israel ami shennyak hük mahng vüei nyushingkü ngangahük kü khong hanei chinghah peijapü eeyei jomphongi hapa mahng Elishalei mahngshalei shükshuohteke. Mechem hapa mahng Elishalei vang kü hongpa, hapa shennyak yem leiyei yaong.

2 ONGPATHÜ 7:19

hapa lakchongbüi Kahvang shennyak kü, “Shembüpai vangsho shaden aptü khüpeilangei hahying shomlangmao ha nevamküpih” shei jangei epeih. Kahvang shennyaki jangei, “Nüngi hapa vampü laophülei müki eehen, shejao nüngi hapa nehah-aokpih” shei e.

2 ONGPATHÜ 7:2

Hahepak kü ongpai mongnyangpü lakchongbü hüki Kahvang shennyak kü, “Shembüpai vangsho shaden aptü khüpeilangei hahying shomlangmao ha nevamküpih” shei e. Elisha-i, “Nüngi hapa vampü laophülei müki eehen hih, shejao nüngi hapa nehah-aokpih” shei e.

2 ONGPATHÜ 5:27

Hanangkü Naamanei ngomdin nüng hatü nüngei hühiha kü den kü bahhen” shei e. Hapheikü Elisha toueipü Gehazi lüdai, hatü büpa shüdao kei shoshi ngomei nyuteke.

2 ONGPATHÜ 5:14

Hanangkü büpa yiüei Kahvang shennyaki epü keiha Jordan yungyenei nyetpa thahshi hingteke, hatü büpalei büm hashihlei büm kei lei, hatü din chadai.

2 ONGPATHÜ 4:43

“Shennyak kho hük kü ha mekei shuoh-aokhen?” shei büpalei chongphobüi e. Shejao Elisha-i jangei, “Shennyakthüi ha nyemhahnüng yah-eishuoh. Mehenangkü Shembüpai hapakei enyüke: Jomphongi hahtü shao maani aohen hih” shei e.

2 ONGPATHÜ 4:41

Elisha-i, “Ngei kü atta maani deikei” shei e. Büpai hapa yah-ei dük mongei shihtü, “Shennyakthü kü hapa nyemhahnüng bheih-ei yahjatuh” shei e, hatü hapa dük mongei meheyao ten nenyu.

2 ONGPATHÜ 2:21

Hapheikü büpai yunglok touei ha notü heih-ei hapa hüm halei langtü, “Shembüpai hapakei enyüke: ‘Ngei ha yung daühütüktih. Hajük kü mechemao dipü mahpü nevamhüpih nevaijü kahdok kü betjükvungjük nejüki nenyupih’ ” shei e.

2 ONGPATHÜ 2:14

Büpai Elijah leipü vüjapü ashak yah-ei yung kü bheitü, “Elijahlei Shembüpa Kahvang melei nyüpa?” shei e. Mechem büpai yung kü bheipa, hahepak kü laknyong lakdah kü yung handaitü büpa kahvan kü kamei lei.

1 ONGPATHÜ 22:28

Mikaiah-i jangei, “Nüng yemmü nyokei leiküjema Shembüpai ngei kü ne-epü nyemvai” shei e. Hatü büpai shao, “Ngei mehe e, ha kü am peüi bangtuh!” shei e.

1 ONGPATHÜ 22:22

Shembüpai, ‘Mepakei yawhhen?’ shei phe. Laanghai jangei, ‘Ngei daiyei Ahabei thibüthü kemei shahshem ehen mü leihühen’ shei e. Hahepak kü Shembüpai, ‘Daituh, hatü nüngi büpa yawhtuh; nüngi aokpü danghen hih’ shei e.

ROM SHAHSHA APPÜ 3:7

“Shejao ngei shahshem epai Kahvangü shahhing shei büpalei müknyinshekhang nyeinya longhüjema, mehekei ngei kü shaang thahshi mang shennyak shei nyonghünya?” shei hanei ami shah dakteihen aok.

1 ONGPATHÜ 22:11

Shaang Kenaanahlei cheha Zedekiah-i nyiami vaung hük lingtü büpai, “Hapa yah-ei nüngi Aram am mangmahkem thahshi hokhen shei Shembüpai enyüke” shei e.

1 ONGPATHÜ 22:6

Hanangkü Israel ongpai thibüthü jom kho ali hükshing nyükei leiyei jom kü, “Ngei Ramoth-Gilead hahnüng daihen hi nedaihenang?” shei phe. Jomi büpa kü, “Daituh, mehenangkü Shembüpai ongpalei lak kü hapa shuohhen” shei e.

1 ONGPATHÜ 18:19

Hanangkü shaang ngei mü Karmel Kahshangei pongteihen shingvaishi Israel am peü kü nyükkütuh, hatü Jezebelei nükdülei hahyingpü Baal kahvangei thibüthü jom kho ali mü pinyipüan, hatü Asherah nyüha kahvangei thibüthü jom kho ali omshi nyükkei” shei e.

1 ONGPATHÜ 18:1

Hepak longi daipheikü, vang nekeipü vangbong jempabü kü Shembüpalei shah Elijah touei pei: “Daituh hatü nüng Ahab ongpa touei peituh, hatü ngei vang keihühen” shei e.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

MENVIH KESHO 124:7

Jenü ou haenbülei tai kübü ouha yangpükei yangpeih; taikam phentüktü jen yangpeih.

CHONGVENBÜ 9:12

Mehenangkü mechem laophü kü vongshüh vamhen üpaiyao nenyingaok. Shang kü nyah manlangpükei, tai kü ouha manlangpükei, mechem ngangahük kü vongshüh dhaümhenshang hangkuli vongshüh kü shüdainyeih.

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

JEREMIAH 11:19

Shejao ngeiyü nenteiaokpü mi cheha jüshingei müei daipükei nyupeih. Jomphongi ngei khüei phaüshah showei, “Jeni hapa pü betjük mü agtükshah; büpalei men hajük kü deih-ei nedanghen shangmü jeni büpa yemmü nyupü kahdok leipü jütükshah” shei eteipü ngei nenyingi nyupeih.