HOSEA 9:6 - DAÜLANGPÜ LAIHING (BSI)

⁶ Mahhen kübü jom yangjao, Ijip ami jom thaihühen; Jom Memphislei mahng vühen. Jomei douvang ngin hühhihangi lümlanghen, hatü hühyingi jomei shemthü jümlanghen.

HOSEA 9:6 Referans Kwoze

HOSEA 10:8

Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

HOSEA 9:3

Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

ISAIAH 7:23

Hapa nyih kü nyalingngupai kahlei ngupai vü haja longi, ngin haja longi shangshi nyupü shingkü hühvü vamei lümlanghen.

HOSEA 11:11

Jomü Ijip leipü outhü keiha, Assyria leipü athubathü kei kheüei thaikemkahen; hatü ngei jom ngamshing kahdokei chingchinghühen shei Shembüpai enyüke.

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

ISAIAH 34:13

Ongshem peü hüh longei lümlanghen, hatü penyüsha kemei hühhihangi jümlanghen. Hapa shingü shuwthü hatü Ostrikh outhülei chephijaan leidaihen.

ISAIAH 32:13

hatü ngelei nanglakthülei kahdok kü hühhihang longdaipü shingvaishi shem kü mongongpai maei, hatü chingnyü kü mongmeipai maei nyupü deih-ei theptuh.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

ISAIAH 19:13

Zoan am mübüthüyü ngapa leidaikemteke; Memphis am longhiongthüyü mongnyong kohdaiteke, Jat kü shongkaong vaipüthüi Ijip am lemnyong kü mülangteke.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

KANDOK 24:31

Hüh-i longei daitü, kahdok kemei thüngi lümlangtü, hatü yaongpe bendaitü eeteke.

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

2 ONGPATHÜ 13:7

Hanangkü koyei veshan pinyipüan, koyei khari an, hatü la mü daiyei hokpü veshan haja an mü lenei Jehoahazlei veshan lebü ne-ao; mehenangkü Aram ongpai kübhih leishi shuopei mahtükkem.

1 SAMUEL 13:6

Mechem Israel ami jomei laphenü wongteke shei veiaokpa, nanglakthü jom nyingi yaongdung, yaongsha, kahsha, shüying hatü damsha mongei shüei joteke.

JEREMIAH 2:16

Nyeinya vaishi Memphis hatü Tahpanhes ami nüngei shangjing leipü hon athen mangtükteke.

JEREMIAH 42:22

Hanangkü shaang ha nyingtuh: Am daiyei chingchingei nyupüthü shingei yan, münghishaü hatü chami dikemhen.”

JEREMIAH 44:1

Ijip kahdok Migdol, Tahpanhes, Memphis hatü Pathroslei nyupü Israel am nangkü Jeremiah touei peipü shah.

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

JEREMIAH 46:19

Am Ijiplei nyupüthü, wüpküpei daihen temtuh; mehenangkü Memphis-ü nyuhen shennyak neshiüi lavüngtoiyei leidaihen.

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

EZEKIEL 30:16

Ngei Ijip kü aw haphen; Pelusium chingnyü-ü longi mongmang kü nyuhen; Thebes mangtükhen hatü Memphis am düngei vongshüh kü nyuhen.

HOSEA 2:6

Hanangkü ngei pinnyülei lem hühhihangi bangtükhen; hatü pinnyüi lem nedanghen mü pinnyü shonei pe showtükhen.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

ZEPHANIAH 1:11

Bheileih vongjeihpü jila kü nyupü ami mahng theptuh; Ammei mophimo peü thittükhen, hon hi ngin bhei leihpüthü peü mahdaikemhen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

JEREMIAH 44:13

Ngei Jerusalemei nyupüthü yan, münghishaü, hatü chamhilemi hanghihüpü keiha ngei Ijip kahdokei nyupüthü hanghihühen.