HOSEA 9:4 - DAÜLANGPÜ LAIHING (BSI)

⁴ Jomi Shembüpa kü yiü moila neshuohhen, nevaijü moila koei nepeiaokhen. Hakeipü moilayü jom shingvaishi mangh kü jeetükpü hahying kei nyuhen; Hapa hahpüthü peü nedaü-i leihen. Hapa hahyingü jom shingvaishi mon chongkahen, hapa Shembüpalei phopshemei noei nepeikahen.

HOSEA 9:4 Referans Kwoze

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

SHAHKÜP 26:14

Ngei mahng theppü hepak kü haleipü meheyao nehah-angpih nevaijü ngei nedaüi nyushingkü shemong leipü hükao yah-ei nedai, nevaijü haleipü meheyao dipü mahng kü moila neshuoh-angpih. Ngei Shembüpa, ngelei Kahvangi epü bangtepih hatü ngei kü epü lemphüli düktepih.

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

EZEKIEL 24:17

Huituh, shejao wongmü nevai; dipü am nangkü mahng tethep. Shangshak shaktuh, lathuh thuhtuh; nüngi ju kü tejüm nevaijü mahng bhaong tehah.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

AMOS 5:22

Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

EZEKIEL 24:22

Ngei dükpükei ammi dükhen; ammi ammei ju kü nejümhen nevaijü mahng bhaong nehahhen.

ISAIAH 66:3

Üpai mohohbaong jüei moilanya, büpayü shennyak jüpü keipü hih, hatü üpai mi cheha moilanya, büpayü shi üng kü vetpü keipü hih; Üpai hahying moila shuohnya, büpayü ookei iy moilapü keipü hih, hatü üpai ayingshü jakei moila shuohnya, büpayü lajei kü khümpü keipü hih. Jomi laophüi lümpü lemthü jeteke, hatü jiühitnalaipü dou kü jom mongmeinyüke.

ISAIAH 57:6

Kahji leipü nyülükpü yaongthü yah-ei kahvang vaishi khümnyüke, hathüyü ammei kahvangthü; Hathü kü ammi yiü moila langei, hahying moila shuohnyüke. Hathü kü ngei mongmeihen je?

BHEI-IE 28:2

“Israel am kü hapakei eyeishuoh” shei eteke: “Tetpü hepak kü jiüshi ngei kü vong meipü hahying moila aw kü jakei shuohtuh.”

LEVI 21:21

Ngongpa Aaronei hühihathü üpa kü eela shadai, hapa shennyaki Shembüpa kü aw kü jakpü moila shuohhen yopailei neheihhen. Büpayü eela shadaipü nangkü büpalei Kahvang kü hahying moila shuohhen yopailei neheihhen.

LEVI 21:17

“Aaron kü ha etuh: Hüdenhalenshi nüngei hühiha üpa kü eela kohhen, büpa Kahvang kü hahying moila shuohnüng yopailei neheihhen.

LEVI 21:8

Jomphongü daülangpü shei peüi ieyeilemhen; mehenangkü jomi ammei Kahvang kü hahying moila shuohnyüke. Jomphongü daülangpü shei deihtuh; mehenangkü Shembüpa ngeiyü daülangpü, hatü ngei am daülangi lingpeih.

LEVI 21:6

Jomphongü jomei Kahvang kü daülangi nyuhen hatü jomei Kahvangei men netenhen vongbong. Mehenangkü jomi Shembüpa, jomei Kahvang kü aw kü jakei moila shuohnyüke; jom daülangi nyuhen vongbong.

LEVI 17:11

Mehenangkü yangnyu hük yemmü nyuhenü iy kü nyüpeih, hatü ha vaipü nangkü ngei am shingvaishi moidülei moilahen hayü shuohpeih; hapayü yangnyu hükei mang tükhen iy nyüke.

MÜLANGPÜ 40:23

hatü Shembüpai büpa kü epükei hapa shangkü Shembüpa kü moilapü aan shingnüngei haü.

BHEI-IE 19:11

Üpai dipü mahng kü honghenshang nyih nyet nedaüi leihen.

BHEI-IE 4:7

Shembüpa kü shuohpü aan haüpü haüdü shangkü jomi ashak thüngla nyemhen hatü ha shangkü nükshung pati, ayingshü jakpü chilimji, moila shuohpü chilimji hatü yiü moila shuohhen dükthü haühen. Haüdü shangei düngei aan haüshi tuhhen.

MÜLANGPÜ 29:40

Shongpü mi mü wheat aung dok hük mü olive mainga dok hük mü nyettü moilatuh. Yiü moila dok hük ha kü shihtuh.

JEREMIAH 16:7

Mahng theppüthü nyiushem meihühen nangkü üpaiyao hahying demei neshuohhen. Üpaiyao nyü vaijao pa vaijao mongmeihen nangkü yinghen meheyao neshuohhen.

DANIEL 1:8

Shejao Danieli ongpalei hahying hatü yiü yingpai laophü nyingi nedaünelangi neleipih shei mong kü tem, hatü büpai lakchongbü shopü kü ngei hapakei nyeteinyangei neleihen mongshih shei pheshuohteke.

JOEL 1:9

Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”