HOSEA 9:10 - DAÜLANGPÜ LAIHING (BSI)

¹⁰ Shongei ngei mechem Israel am dangpa, jomü bhih kahdok kübü nyalingngupai kei shepeih; Shejao ngei mechem ambü ampa eepa, amü adhapü kü shongpü betjük eepükei shepeih. Shejao mechem jom Peor Kahshangei peiyei Baal kü khümpa, lomi jomi bampü kahvang kei jiühitshi leidaipeih.

HOSEA 9:10 Referans Kwoze

HOSEA 4:14

Jomi büm yuei lüdaijao, ngei ammei yiükhathü nehanghihüpih, nevaijü jom mükbongjuyung düklangmao, ngei ammei hapeülei nyüha kü hanghi neshuohpih; Mehenangkü bahathü jom nyingi mükbongjuyunglathü mü dainyüke, hatü büm yupüthü mü moila shuohnyüke; Ken nehingpü nanglakthü hapakei mahdainyeih.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

MIKA 7:1

Onyükei! ngeiyü aeipü shennyak hük pülei betjük nedangpükei, hatü nyalingngupai vü kü betjük nedangpükei khih. Nyalingngupai hatü adhajük ngei lümbenüng meheyao neshiü.

HOSEA 2:15

Halei ngei pinnyü kü pinnyülei nyalingngupai yahshuohhen, hatü Akhor kahjiyü monglempü kahji leihühen. Halei pinnyüi nela hepak kü keiha, hatü pinnyü Ijip leipü vamei daipü nyih kü kei ngei kü ephahen.

EZEKIEL 20:8

Shejao jomi ngei khüei yaong hatü ngei epü kü nebang; jom üpayao jomei mük mopü jiühitpü douthü neyaktük, nevaijü jomi Ijip amei lajeithü netuhphong. Hahepak kü jom Ijiplei nyushiüng ngei ngelei mongshih jom kü khüphühen shei deihteke.

AMOS 4:5

Menvih moila daw shihpü aan deikei, hatü ammi haüpüwongpü moila shuohpü kü mongmeituh; mehenangkü ammi henüng dou dükhen kennyüke, Oh Israel nanglakthü, shei Shembüpai enyüke.

HOSEA 11:1

Mechem Israel am hashih hük nyuhampa, ngei büpa kü bamteke, hatü Ijip leipü ngei ngelei hapeü nyüklangpeih.

JEREMIAH 31:2

Shembüpai hapakei enyüke: “Nanglak üam yani nemah-i yangpa, hathüi jahpanei phahji danghen; Ngei Israel am kü nyiushemmei shuohhen peihen.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 28:4

Chü kaudaipü keiha, nükhinyiami maei changmeipü mübüthülei müknyinshekhangü, hepak mangngoi-i shongei shümpü adhajük shennyakthüi vaümei hahtükpükei mahdaihen.

MENVIH KESHO 81:12

Hanangkü ngei jom kü jomi mongpü dükhen vaanpü mongdang shuohpeih.

1 ONGPATHÜ 16:31

Büpai Nebatei cheha Jeroboamei lemthü kü kampü mongnehami büpai Sidon ongpa Ethbaalei yiükha Jezebel mü shem yem, hatü Baal kahvang chongphoei khüm.

SHAHPHENBÜTHÜ 6:32

Hanangkü ha nyih mü leitü Gideon kü, “Jerubbaal” shei nyük; mehenangkü Joash-i, “Baal kahvang büpa nyingi nyemyang, mehenangkü bentükpü moidüyü büpalei khih” shei eteke.

SHAHKÜP 32:17

Jomi Kahvang nevai, kahshih; jomi nenyingpü kahvang, yopai-i ja vampü kahvang, ammei bühipai nekhümpü kahvang kü moila shuoh.

SHAHKÜP 32:10

Büpai jom jahpanei, lavüngtoipü phaüi nganei longteiyei nyushi dangteke, Büpai jom yangteke, hatü jom kü jungteke, hatü yomteke.

SHAHKÜP 4:3

Baal Peor kü Shembüpai mehe dükpa amphongei müki lekei eeteke. Büpai Peor amei Baal kahvang kü khümpüthü peü jütük,

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

ROM SHAHSHA APPÜ 6:21

Shejema ammi shaang veüei deihpü dou dükei nyushingkü ammi mehe nanglei dangpa? Hathü douei dohpütenpeyü dipü nyüke.

MENVIH KESHO 115:8

Hathü lingpüthüao hathü kei, hatü hathü kü khümpüthü peü jom kei nyüke.

JEREMIAH 3:24

Shejao ham hashih mebü hapa veübenüng douthüi hamei bühipa ami nyiuei dükpü, jomei yemhimakthü, jomei yiükha yeshangthü peü lühtükpeih.

JEREMIAH 24:2

Mühdow hük keyü longi meipü adhajük, shongei shümpü betjük kei, hatü mühdow hükpa keyü longi nemeipü, hahhen nemei-i nyuteke,

HOSEA 4:18

Mechem yiü yingei kemhenshang, jomi mükbongjuyung düknyüke; Jomei vanglem lempüthüiyao veüpü lem kü kennyüke.

BHEI-IE 18:13

Kahmük kü vampü shongpü betjük jomi Shembüpa kü moilapü kemei ammei nyüke. Amshem üpai hapa hah-aokhen mü daülangi nyu, hapai hahhen aok.

2 ONGPATHÜ 17:11

hatü Shembüpai jom shekü changtükpü jatthüi dükpükei vaümchongthü peü kü ayingshü jakei moila shuoh. Jomi nemeipü douthü dükei Shembüpa mongshihhü,

SOLOMONEI KESHO 3:6

Bhih kahdok leipü awshit tem mü lepei vampükei, bhei leihpüthüi yubenüng vong meipü meli ngü büei vamhüpü üpaang?

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

HOSEA 13:5

Ühivanpü kahdok kü, hatü jahpanei ühyingei jungpeyü ngei hih.