HOSEA 9:1 - DAÜLANGPÜ LAIHING (BSI)

¹ Mongteong, Oh Israel nanglak, mih jatli kei mo-eitapei mongteongtei. Mehenangkü am büpa toueipü yanei hingnelemi nyuteke. Büm yutü ha kü lat danghen, hatü hahying lemphü danghen kü kennyüke.

HOSEA 9:1 Referans Kwoze

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

JAKOB 4:16

Hapakei am changmeiyei awdanyüke; hapakei awdapü peü mang nyüke.

AMOS 6:13

Ammi Lo-Debar am neüaokpü nangkü ngam yahnyüke hatü enyüke, Hami Karnaim amao hamei wongi neühah shepeih shei changmeiyei enyüke.

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

HOSEA 2:12

“Ngelei maithüi yahphopeih shei pinnyüi epü nyalingngupai kah, hatü adhapüthü peü ngei mahtükhen, hatü ha phaükong leitükhen, hatü phaüyemthüi hahtükhen.

EZEKIEL 21:10

Hapayü jühen nangkü yütüktü nyüke, klang kei nyephen shingvaishi thittüktü nyüke! Mekei etü jen mongongshi nyuhen? Ammi yeanpü hatü ungei-aeipü peü yaktükteke.

EZEKIEL 20:32

Ammei mongei, “Jenao mih jatthü kei nyushah, yaong hi pü chongphopü jatthü kei nyushah” shei deihpü ha nejiüküpih.

YOUNG LAI 4:21

Mongongteituh, Oh Edom nelathü, am Uz kahdokei nyupüthü, Shejao amphong kao hapa yungshong peikahen, hatü am hapai chokei bümkong shükshi nyuhen.

ISAIAH 17:11

ammi sheipü nyih-üng hapa longjao, hatü ammi sheipü nep-üng bong pungjao, hapa kübü betjük nehah-aokpih. Shanghah vongshüh tüngpü aipü mon nyuhen.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

AMOS 4:5

Menvih moila daw shihpü aan deikei, hatü ammi haüpüwongpü moila shuohpü kü mongmeituh; mehenangkü ammi henüng dou dükhen kennyüke, Oh Israel nanglakthü, shei Shembüpai enyüke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

EZEKIEL 16:15

Shejao ammi am dhemeilaümapü kü monglemtü ammei menmeiyü büm yuhen nangkü noteipeih, hatü peihpü leipü peü mü mükbongjuyung dükpeih.

EZEKIEL 16:30

“Neveü sheshuw kohtü ammi büm yupü douthü dükteke. Am meshük mongnehingpüthüang?” shei Shembüpa Kahvangi enyüke.