HOSEA 8:8 - DAÜLANGPÜ LAIHING (BSI)

⁸ Shaang Israel amü lebü jatthü kei leidaiteke, hatü dükten kei nyüke.

HOSEA 8:8 Referans Kwoze

JEREMIAH 22:28

Hapa Jehoiakinü yaktükpü dükten je? üpaiyao nenapü douten je? Mehekei büpa hatü büpalei hapeüthü jomi nenyingpü kahdokei deishihhen? shei ngei eteke.

JEREMIAH 51:34

Babylon ongpa Nebukadnezzari ham lühtükpeih, büpai ham ngümtükpeih; büpai ham dük kong kei leitükpeih; Biüi keiha büpai ham lühtükpeih, hatü hamei hetmeiyungma-i büpa shümoh meipeih, hatü büpai ham bhaiyei ngaitükpeih.

ROM SHAHSHA APPÜ 9:22

Kahvangi büpalei mongshih huhen, hatü büpalei ngan nyinghühen nangkü büpa mongshihpai mahtükhen shingvaishi lingpüthü touei nenteipai nyujao meheang?

EZEKIEL 36:3

Hanangkü Shembüpa Kahvangi hapakei enyüke shei teteivanei etuh: Mehenangkü jomi amü lebü jatthülei lakmongei nyemnyu, hatü mihnyiyangnyai jatli, hatü yaüeilungei eteihen doutennangshai nyemlei shei am kü lem peü philemei lavüngtoiyei tuhhen ngümteke.

YOUNG LAI 2:16

Nüngei vepathü peüi nüng khüei jomei ju kanyüke; Jomi jomei bha vükei, hümei, “Hami pinnyü neütüktih! Ham omdanei nyupü nyih-ü ha hih, hatü hami hapa eetepih!” shei lennyüke.

YOUNG LAI 2:5

Vepai kei Shembüpai Israel am mahtükteke; Büpai jomei ongshemthü, hatü penyüshathü peü bentükkem, hatü büpa Judah nanglak kü thephiyoung dahü.

YOUNG LAI 2:2

Shembüpai phahji neshiüi Jakob nyushingao mangtük; Büpa mongshihpai Judah nelalei penyüsha-ao bentük. Büpai ongching hatü halei vanglem lempüthü dhüm neshiüi chongei vütük.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

JEREMIAH 48:38

Moab amei shem adok kemeilei hatü chingyangshong peüei meheyao nevai, mahng theppü mon maei nyüke; mehenangkü ngei Moab amü üpaiyao nenapü haümdük keiha bhaotükpeih shei Shembüpai enyüke.

ISAIAH 30:14

Hapayü haümdük bhaopükei khih mü nihdaihen; awdep leipü awtao shihhen, nevaijü yung shohen mü nedangi nihdaihen.”

2 ONGPATHÜ 18:11

Assyria ongpai Israel am Assyrialei wüpei deiyei Habor Yungnyü yopailei Gozan kahdok Halah chingnyülei tuh, hatü haneiyü Media chingnyüthülei tuh.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

JEREMIAH 25:34

Theptuh hatü youngtuh am mi yombüthü; bhihla kü duteituh, am mi khong müpüthü. Mehenangkü am jühen hepak ngoiteke; am dohen hatü dükbhaok haipükei haidaihen.

YOUNG LAI 5:2

Hamei mükjüp mihthüng angpai yahlang, hamei bükhishem kü yenpa uodai.

YOUNG LAI 4:2

Zion thehilathü chemü hon kei nyuhampeih, shejao shaangü haümdük bhaok kei nyüke.