HOSEA 8:7 - DAÜLANGPÜ LAIHING (BSI)

⁷ Jomi vanglüki keiha ten hainyüke, hatü jomi alüngleple kei ten vetnyüke. Kohpü hah kü betjük nejükhen, hapai hahying nevamhen; Hapa kü jük jüklangmao kung ami lühtükhen.

HOSEA 8:7 Referans Kwoze

KANDOK 22:8

Üami shahshem hainya, jomi shanghah vethen, hatü mih kü shüveipü nyiamlüng bhagdaihen.

JOB SHAHSHA APPÜ 4:8

Ngei eepülei, üami mang sheihen han hoknya, hatü mang sheili hainya, hapa-üng vetnyüke.

GALATIA 6:7

Am nyingi telutelemhah; üpaiyao Kahvang kü teyaü. Shennyak hüki mehe hai, ha-üng vetnyüpeih.

NAHUM 1:3

Shembüpayü mongshihhen youngmü, hatü nganhiwong kü longpü nyüpeih; Shembüpai nemeipü am kü hanghi neshuoh-i hei-üng netuhphongnyih. Büpalei lemü alüngleple kü nyüke; yinglükleisho hatü phumthüyü büpalei la kübü bhihla nyüke.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

HOSEA 2:9

Hanangkü mechem hah menkahen, ngei hapa hah hatü yiünaü yahlanghen, hatü ngei ngelei phümphah ashak, hatü nyemin ashak büm leipü nyiuklanghen.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

ISAIAH 17:11

ammi sheipü nyih-üng hapa longjao, hatü ammi sheipü nep-üng bong pungjao, hapa kübü betjük nehah-aokpih. Shanghah vongshüh tüngpü aipü mon nyuhen.

CHONGVENBÜ 5:16

Hapayao ahshi-üng nemeipü mang khih: Shennyak hük peipü keiha lüdainyeih, Vanglük phei changteipü keiha dükpü kübü mehe nanglei nyüpa?

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

2 ONGPATHÜ 15:19

Hahepak kü Assyria am Pul ongpa peiyei Israel hah, hatü Israel kü nedoh-i ong vaiyei nyuhen wong nyemyahshuoh shei Menahemi büpa kü ngin dok haja anpüali shuoh.

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

GALATIA 6:8

Ammi laophülei phai kü mon haijema, ammi phai kübü ten vethen, shejao ammi Laangha kü haijema, ammi Laangha kübü yangnyuyem vethen.

ISAIAH 55:2

Hahying nevaipü kü mehekei ammi lop tüknya? Mepai am hüneshemhü, ha kü mehekei nang mahnya? Ngei epü kü kenhingei bangtuh: mehe mei, ha hahtuh, hatü hetmei kü mong hüshemtuh.

YOUNG LAI 5:2

Hamei mükjüp mihthüng angpai yahlang, hamei bükhishem kü yenpa uodai.

HOSEA 9:16

Ephraimü kaodaiteke, jomei tünglang vandai, jom betjük nejükhen. Jomi hapeüthü bühjao jomi vaüpü moihiyangthü ngei jütükhen.

HAGGAI 1:6

Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

KAHBHAO 41:23

hapheikü nengetpü, kaudaipü hatü heong vanglüki shamtükpü hahmai nyet hathü pheikü vamei,