HOSEA 8:4 - DAÜLANGPÜ LAIHING (BSI)

⁴ Jomi ngei kü nephe-i ong lingteke; jomi ngei nenyingi long jeteke. Jom nyingi mahhen jomei hon, hatü ngini lajeithü lingteke.

HOSEA 8:4 Referans Kwoze

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

HOSEA 2:8

Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

1 ONGPATHÜ 16:31

Büpai Nebatei cheha Jeroboamei lemthü kü kampü mongnehami büpai Sidon ongpa Ethbaalei yiükha Jezebel mü shem yem, hatü Baal kahvang chongphoei khüm.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

JOHAN 10:14

Ngeiyü mi yombü meipü. Ngei ngelei mithü nying hatü ngelei mithüi ngei nying.

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

LUK SHAHSHA APPÜ 13:27

Shejao büpai, ‘Am meleipü peipa ngei nenying; ngei toueipü lüdaituh, amphong ten dükpüthü!’ shei ehen.”

LUK SHAHSHA APPÜ 13:25

Shem shembüi yaongei sha küplang pheikü amphong chingshelei yaongtü sha kü khungei, ‘Shembüpa, ham kao apshih’ shei ejü büpai am kü jangei, ‘Amphong meleipü peipa ngei nenying’ shei ephahen.

MATHI 25:12

Shejao büpai, “Hingmei ngei am kü enyeih, ngei amphong nenying” shei jangei e.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

1 ONGPATHÜ 13:34

Hapayü Jeroboam am shemei mang, hatü hapai büpalei ongching kahdok shak kübü dohtükpeih.

JEREMIAH 16:20

Shennyaki laophülei kahvang lingnyu je? Hih, shejao hathüyü kahvang nevai!

DANIEL 3:1

Nebukadnezzar ongpai hon lajei hük shaopü kü feet 90, hatü ba kü feet 9 ling, hatü Babylon kahdok Dura Kahjilei shingnüngei tuh.

HOSEA 8:3

jomi mehe mei, ha yaktük; hanangkü vepathüi jom kü changhen.

HOSEA 13:1

Ephraim ami mechem shah ehen, lebü Israel jatthüi kheühampeih, Israel ami jom kü ngangei veihampeih; Shejao jomi Baal kü khümei mang thahtü didaipeih.

HOSEA 13:11

Hanangkü ngei mongmangei am kü ong hük shuoh, hatü ngei mongshihpü nangkü büpa yah-ei lüdaipeih.