HOSEA 8:10 - DAÜLANGPÜ LAIHING (BSI)

¹⁰ Jomi laophü nyingi jatthü kü yutüklangmao, shaang ngei jom thailanghen. Mechem Assyria ongpai jom kü shüveihen, lomi jom tüngpai hangha yüpteihen.

HOSEA 8:10 Referans Kwoze

EZEKIEL 16:37

am mong hüshempü ammei chühimaithü, ammi bampü hatü jiühitpüthü ngei peü leipü thaihen; ngei am khüei peü leipü hathü thaihen, hatü ammei bümkong nyem-eenüng ngei ammei ashakviha nyiuktükhen.

HOSEA 10:10

Ngei nemeipüthü kü shüveinüng peikahen, hatü jomi mang longi dükpü nangkü jom hanghihühen jatthü thaikahen.

EZEKIEL 26:7

Shembüpa Kahvangi hapakei enyüke: “Ngei Tyre am khüei apshaphi leipü Babylon am Nebukadnezzar ongpa, ongthü khong kü ong, büpa mü koyeithü, koyei kharithü, koyei veshanthü hatü longpü, wong kohpü veshanthü müei peihen.

ISAIAH 10:8

“Ngelei veshan mübüthü peü ongthü hih” shei büpai enyüke.

HAGGAI 2:6

Jeiyong Shembüpai ha enyüke: Maani angtü ngei shao chem vangsho hatü kahdok, yungching hatü kahngadok jenhühen.

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

EZEKIEL 22:20

Shennyakthüi ngin, langnyiam, dam, nyiam hatü laktetnyiam nyaühühen shingvaishi nyahpü awbhaongei thaihüpü keiha ngei mongshihpai am thaiyei chingnyü mongei tuhtü nyaütükhen.

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

ISAIAH 36:13

Hapheikü veshan mübüi yaongtü wong mü lenei Hebrew shah mü, “Longpü ongpa, Assyria ongpalei shah bangtuh!

1 SHÜPPÜKENGPÜ 5:26

Hanangkü Israel Kahvangi Assyria am Pul (Tiglath-Pileser) ongpa vamhü hatü Reuben, Gad hatü bhaosheipü Manasseh am jat wüpküpei müei dai. Büpai hathü Halah, Habor, Hara hatü Gozan yungyenei ha nyih mü pangei tuhteke.

2 ONGPATHÜ 17:3

Assyria am Shalmaneser ongpai büpa mü hokhen aong; Hosheayü büpa phangkü ong naü-eepa vai, hatü büpa kü bom ühhamteke.

2 ONGPATHÜ 14:26

Shembüpai Israel am aa hatü bümei kemei shahyaki shangpongpü eeteke, hatü jom kü sheühhen üpayao nenyu.

EZEKIEL 16:33

Büm yupü shennyak keyü lop shuohnyüpeih shejao amphongiyü am mü mükbongjuyung dükhen nyempeikei shei mih kü yawhdou shuoh-ei hatü thintho-i jom yawhnyüke.

EZEKIEL 23:5

Ngei mü shem yemei tuhtü Oholah-i Assyria am veshanthü,

2 ONGPATHÜ 17:4

Shejao Assyria ongpai Hosheayü peileipa khih shei yepaok; mehenangkü büpai Ijip ongpa So kü khüambakshih shei phongmokbüthü shom, hatü büpai bong ieyei Assyria ongpa kü shuohhampü bom neshuoh-i doh. Hanangkü Shalmaneser-i büpa yepei khoklatei tuh.

ISAIAH 30:2

Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.