HOSEA 7:8 - DAÜLANGPÜ LAIHING (BSI)

⁸ Shembüpai enyüke, “Ephraim am mih jatthü mü vukdaiteke, hatü neleplükpü nangkü nelangpü aan kei nyüke.

HOSEA 7:8 Referans Kwoze

MENVIH KESHO 106:35

shejao jomi jatthü mü vukeivengei, jomi dükpü peü dükhen nying.

EZRA 9:12

Hanangkü ammi jom mü yiük teyahtei. Am wong koh-ei leihen hatü kahdok kü vampü meipü ammi hahhen, hatü ammei hapeüthü shing denden mükjüp tuhhen shingvaishi jom mü meheyao chingmeivangmei teling, nevaijü mophimo teyemtei.

MALAKI 2:11

Judah ami lahtükpü shaitükteke, Israel kü hatü Jerusalem kü jiühitbenüng mang thahteke; mehenangkü Judah ami kung amei kahvangei yiükha mü shem yempai Shembüpai kenpü phopshem sheihtükteke.

EZRA 9:1

Hathü dou peü dükpheikü, mübüthü ngei touei peiyei, “Israel nanglakthü mü ngongpa hatü Levi am omshi jom mü chingyow yowpü Kanan, Hit, Perizz, Jebus, Ammon, Moab, Ijip hatü Amor am hatü jomei jiühitnalai dükhiling kübü hayaoha yanei nenyunyu” shei ephüteke.

1 ONGPATHÜ 18:21

Elijah-i nanglakthü touei heihtü, “Hepak meshük mong nepheni deihpü lem nyi aa kü nyuhenang? Shembüpayü Kahvang hih shei deihjema, büpa phei mütuh; shejao Baal-ü kahvang hih shei deihjema, büpa phei mütuh” shei e. Shejao nanglakthüi shah phahükao ne-e.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

HOSEA 9:3

Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.

HOSEA 5:13

Mechem Ephraim ami büpa tüngpü eepa, hatü Judah-i büpalei makaw eepa, hahepak kü Ephraim ami ongpa longpü kü sheühpü yiüei Assyrialei heihteke, Shejao büpai jom tüngpü, hatü jomei makaw nemeihüaok.

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.