HOSEA 7:5 - DAÜLANGPÜ LAIHING (BSI)

⁵ Ongpalei mo nyih kü jomi jomei ongthü, hatü lakchongbüthü yiüi chokei ngahünyüke; Büpai eelapüthü mü büpalei lak khaainyüke.

HOSEA 7:5 Referans Kwoze

ISAIAH 28:1

Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!

EPHESIA 5:18

Yiüi techok; mehenangkü delilao nyüpeih, shejao Laanghai maei nyutuh.

MARK 6:21

Shejao mechem Herodi büpa angpü nyih kü büpalei lakchongbüthü, veshan mübüthü hatü Galil kü mübüthü kü mo ühpa, bhüh yemhen hepak mei dang.

MATHI 14:6

Shejao mechem Herod bühpü nyih ngoipa, Herodiaslei yiükhai oei khong touei phauktei, hatü Herod longi mongmeihü.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

KANDOK 20:1

Yiü yingpai yaüeilungei enyüpeih; chokpümokpü hahpai depülaopü vamhünyeih, hatü hapai chokpüthüyü ngapa.

KANDOK 13:20

Üami kon kohpüthü mü kamnya, nah-eilangei leidainyeih, shejao nemeipü am mü mongjem pongpai lomoh heünyüpeih.

MENVIH KESHO 69:12

Ngeiyü penyüshalei uopüthüi la eteihen shennyak leidaiteke, nükchokyiümok ami ngei jung eshi kesho vennyüke.

MENVIH KESHO 1:1

Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

1 ONGPATHÜ 13:4

Mechem Jeroboam ongpai hapa Kahvang shennyaki Bethel leipü moidü khüei lenpü danpa, büpai moidü leipü lak haongtü, “Hapa shennyak yeptuh!” shei e. Shejao hapa shennyak lemei haongpü lak neleiaoki haendai.

KAHBHAO 40:20

Nyih jempabü kü Pharaoh bühpü nyih kü, büpai büpalei chongphobüthü peü shing mo hük ling, hatü büpai yungshong nobü hatü aan lingbü nyi büpalei chongphobüthü touei ngai.

ISAIAH 28:14

Hanangkü Jerusalemei ha nanglakthü kü vanglem lempü changmeipüthü Shembüpalei shah bangtuh.

HOSEA 7:3

Jomei mangi jomei ongpa, hatü jomei shahshemi jomei lakchongbüthü mongmeihünyüke.