HOSEA 7:2 - DAÜLANGPÜ LAIHING (BSI)

² Shejao jomei douten kemei ngei deihshi nyüpeih shei jom kü leyei nepeinyu. Jomei mangi jom kü mük neshai-i veinyüpeih.

HOSEA 7:2 Referans Kwoze

LUK SHAHSHA APPÜ 12:2

Shakei nevamhen mü meheyao küpei neshiü, hatü nenyinghen mü meheyao joshi neshiü.

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

AMOS 8:7

Shembüpai Jakob changmeipü kü vangeishuwteke: ‘Jomei douten ngei meheyao nebepih.’

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

JEREMIAH 32:19

nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

JEREMIAH 16:17

Ngelei mük jomei lemthü kü veishi nyüpeih; jom ngei touei joshing neshiü; nevaijü jomei mang ngei touei joshi neshiü.

JEREMIAH 4:18

Ammei nyuhichong hatü ammei dükhiling homei ha koei leihahpü khih. Hayü ammei shanghah; hapayü shahyaki! Hapai ammei mongdang kü hümnyüke.

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

MENVIH KESHO 25:7

Ngelei nethe hepak kübü mangthü, hatü pungpü shaipü deih-ei tedang. Nüng meipü men kü nüngi bampü shangshi ngei deih-ei dangtuh, Oh Shembüpa.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

MENVIH KESHO 50:22

Ha deihtuh, am Kahvang betükpüthü, hei nevaijema üpaiyao yanghen neshiüi ngei khihmü shaaktükhen.

JOB SHAHSHA APPÜ 34:21

Mehenangkü shennyak dailem kü büpalei mük chishi nyüke, hatü büpai jomei lakham peü eenyeih.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

BHEI-IE 32:23

Shejao ammi etükpü nedükjema, ammi Shembüpa tou kü mang thahhen; hatü ammei mangi am hanghihen.

ISAIAH 44:19

“Hapa pü hükkeishing ngei aw kü jakpeih; hapalei awtao kü ngei aan lingei nyahhiphai cheüei hahpeih; shaang ngei hapa hükkeishing aopü yah-ei jiühitnalaipü lajei linghen je? Hapa pübhaok hanei aopü kü ngei aümei khümhen je?” shei ehen üpa kao nelenyu, nevaijü üpa kao hapa yaoei ehen nedeihnyu.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

JEREMIAH 44:21

“Am hatü ammei bühipa, ammei ong hatü lakchongbüthü hatü hapa kahdok leipü nanglakthüi Judah jilathü hatü Jerusalem chingyangshong kü ayingshü jakei khümpü Shembüpai ha betüktü nedeihnyih shei deihnyu je?

HOSEA 4:9

Nanglakthü kei-üng ngongpathüao aihük hanghi-i ngei jom hanghihühen, hatü jomei douthü kü ngei nyokei shuohhen.

HOSEA 9:15

Jomei mang dou lemphüli Gilgalei chongpangpeih, halei ngei jom kü jiühitei deihpeih. Jomi mang dou dükpü nangkü ngei jom ngelei shem kübü changtükhen. Ngei hajük kü jom kü nebampih, jomei mübüthü peü ngei khüei yaongteke.

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

JONAH 1:2

“Hapa chingnyü longpü Ninevehlei daituh hatü halei chongveneishuoh; mehenangkü jomei mang ngei thah-ei aongteke.”

MENVIH KESHO 10:11

Büpai laophü nyingi, “Kahvangi ha betüktih; büpai laophülei dhe jümlangtü sheyü ne-eenyih” shei enyüke.

EZEKIEL 21:29

Ammi eepü manghkhang peü shahshem, ammi teteivanpü peü kemei shahshem, Mahhen nyupü nemeipüthü, hanghihen dohpü nyih hatü hepak ngoidaitü nyupüthülei ngaümtüng kü ha baphen.

HOSEA 6:2

Nyih nyi nyih jem pheikü büpai jen büpa mü nyuhen leilanghen.