HOSEA 7:13 - DAÜLANGPÜ LAIHING (BSI)

¹³ Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

HOSEA 7:13 Referans Kwoze

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

SHAKEI VAMPÜ 8:13

Hahepak kü ngei veishuohjü alang hük vangsho jiam kü ngeüwong anei, “Onyükei! Onyükei! Onyükei kahdoknyülei nyupüthü; mehenangkü lebü vangsho phongshanthü jem leipü amit vünghen mü nyüke” shei vaüyaki piyei daipü ngei danteke.

1 JOHAN 1:10

Jeni mang nethah-angpih shei ejema, jeni büpa shahshem leihünyüke, hatü büpalei shah jen kü nenyu.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

MIKA 6:4

Ngei amphong Ijip leipü müei leipeih, hatü ngei am aa laphen kübü angei leipeih. Ngei am mülanghen Mosa, Aaron hatü Mariam shompeih.

JONAH 1:10

Jonah-i shelei ejapü nangkü shennyakthü peüi büpayü Shembüpa toueipü lükei daiküpü khih shei nying. Jahas mübüi nyemdaitü büpa kü, “Nüngi mehe dükshuohpa?” shei phe. Mehenangkü büpa Shembüpa toueipü lüdaipeih shei ejapü nangkü shennyakthü peüi nyingei nyu.

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

HOSEA 9:17

Ngelei Kahvangei ven nedanpü nangkü büpai jom yaktükhen; Jomü jatthü khongkü chingnyaipü am leihühen.

HOSEA 7:3

Jomei mangi jomei ongpa, hatü jomei shahshemi jomei lakchongbüthü mongmeihünyüke.

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

EZEKIEL 34:6

Hanangkü ngelei mithü kahshang hatü shangtaothü peü lemei haishi paüeiyonei nyüke; üpaiyao yemei leihen neshiü ngelei mithü kahdok shak kü yaüshi nyüke.

EZEKIEL 18:25

Shejao ammi shao, “Shembüpai dükpeyü nejiüang” shei enyüke. Ha bangtuh, Oh Israel phang: Ngelei lemthü nejiüpü je? Ammei lemthü nejiüpü nevaipü je?

EZEKIEL 18:2

Israel kahdok nangkü ammi düngei, “Chebü chepai thiok hahpü kü hühihathü bha daümnyüpeih” shei eteipü hapa kandok shah lappü meheang?

EZEKIEL 16:23

“Onyükei! amü onyükei! shei Shembüpa Kahvangi enyüke. Ammi lebü mangthü kü üei,

YOUNG LAI 5:16

Hamei shangjing leipü hon athen vüdai, Onyükei, hami mang thahteke.

JEREMIAH 42:20

am longi pungteke shei nyingtuh. Mehenangkü ammi ngei Shembüpa, ammei Kahvang touei, ‘Ham shingvaishi Shembüpa, hamei Kahvang kü phopshih, hatü Shembüpa, hamei Kahvangi mehe ehen, ha hami dükhen’ shei eshi shomteke.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

MENVIH KESHO 106:10

Hanangkü büpai jom vepalei lak kübü yangteke.

JOB SHAHSHA APPÜ 22:17

Jomi Kahvang kü, “Ham mon nyuhen hih, Jeiyong Kahvangi ham kü mehe dükphaaokhen?” shei enyüke.

NEHEMIAH 1:10

Jomphongü nüngei laklu wong longpai angei leipü nüngei chongphobü hatü nanglakthü.

SHAHKÜP 15:15

Amü Ijiplei aa kei nyuhampeih, shejao Shembüpa, ammei Kahvangi angei leipeih shei deihtuh. Hanangkü shinnyih ngei ha shahkungnyü am kü shuohnyüpeih.

JEREMIAH 7:15

Ngei ammei jeihinaüthü hatü Ephraim am hühihathü changtükpü keiha ngei toueipü am changtükhen.

JEREMIAH 51:9

Hami Babylon meitükhen kheteke, shejao pinnyü nemeiaokpeih. Pinnyü tuhphongtü jen peüi laophülei kahdok yemei leidaishah; Mehenangkü pinnyü kü shahphenpü vangshang ngoishi aongteke, hatü vangsho ngoiteke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

ISAIAH 30:1

“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;

ISAIAH 30:2

Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.