HOSEA 7:11 - DAÜLANGPÜ LAIHING (BSI)

¹¹ Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

HOSEA 7:11 Referans Kwoze

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

HOSEA 5:13

Mechem Ephraim ami büpa tüngpü eepa, hatü Judah-i büpalei makaw eepa, hahepak kü Ephraim ami ongpa longpü kü sheühpü yiüei Assyrialei heihteke, Shejao büpai jom tüngpü, hatü jomei makaw nemeihüaok.

HOSEA 11:11

Jomü Ijip leipü outhü keiha, Assyria leipü athubathü kei kheüei thaikemkahen; hatü ngei jom ngamshing kahdokei chingchinghühen shei Shembüpai enyüke.

HOSEA 4:11

Jomi mükbongjuyung dükhen nangkü Shembüpa yakphongteke. Yiü hatü yiünaü-i ngelei nanglak kenhingmonghapü gühlangteke.

HOSEA 9:3

Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

JEREMIAH 2:36

Hajük yoshi nüngei Kahvangei lem kübü yeiyaei mehekei dainya? Assyria ami nüng veühüpükei, Ijip ami am veühühen.

JEREMIAH 2:18

Nile leipü yung yingnüng nüng Ijiplei yiüpai nüngi mehe dangnya? Nevaijü Euphrates yung yinghen Assyrialei heihpai nüngi mehe dangnya?

KANDOK 17:16

Ngapa hüki kihikon nyinghen mong neshiüshiüi, hapa shakhen lop noshi longteipü kü mehe nangleinyüpa?

KANDOK 15:32

Üpai yeanpü kü ne-ienelemnya, laophü nyingi jiühithahnyüke, shejao üami yeanpü kü linya, danaokpü kon dangnyüke.

KANDOK 6:32

Shejao üpai mükbongjuyung düknya, büpayü ngapa; üpai hapa düknya, büpa laophü nyingi mangtüknyüke.

2 ONGPATHÜ 15:19

Hahepak kü Assyria am Pul ongpa peiyei Israel hah, hatü Israel kü nedoh-i ong vaiyei nyuhen wong nyemyahshuoh shei Menahemi büpa kü ngin dok haja anpüali shuoh.

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

HOSEA 9:6

Mahhen kübü jom yangjao, Ijip ami jom thaihühen; Jom Memphislei mahng vühen. Jomei douvang ngin hühhihangi lümlanghen, hatü hühyingi jomei shemthü jümlanghen.

2 ONGPATHÜ 16:7

Ahaz-i Assyria am Tiglath-Pileser ongpa kü phongmokbüthü shomei, “Ngeiyü nüngei chongphobü hatü nüngei ong naü-eepa. Hanangkü ngei mü hokpü Aram ongpa hatü Israel ongpa nyilei lak kübü nüng aongei ngei yangtuh” shei e.

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

OBADIAH 1:7

Am khüambakpü mongjemthüi-üng am luhahteke; jomi am kahmük kübü changtükteke. Am mongjem pongpü kahmükthüi am khüei yaongteke; am mü nükshung hük kü küpü küphüthüi am khüeitai heanteke, shejao ammi ha güh neyepaokhen.