HOSEA 7:1 - DAÜLANGPÜ LAIHING (BSI)

¹ Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

HOSEA 7:1 Referans Kwoze

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

LUK SHAHSHA APPÜ 19:42

hatü, “Chingmei shingvaishi lingpü hapa nyih ammi dangkao nyinglang meyo– Shejao shaang hapayü ammei mük kübü jolangteke.

HOSEA 4:2

Jomi lahtü mangtüknyüke, shahshem enyüke, jüteinyüke, gühnyüke, mükbongjuyung düknyüke. Iythüng anpü hük pheikü hük vamnyüke.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

HOSEA 8:5

Oh Samaria am, ammei mohoh lajei yaktüktuh! Hathü khüei ngei mongshihnyeih. Jom mang neshiüi nyuhen mechemang vamkahenang?

HOSEA 5:1

“Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

HOSEA 4:17

Ephraim amü lajei khümpü kü omdaiteke, büpai mongpükei nyemlüdai.

EZEKIEL 23:4

Chenyalei men Oholah hatü naü-eenyülei menü Oholibah nyu. Jijinyiyü ngei yahpeih hatü hapeüthü bühteke. Oholahyü Samaria lappü, hatü Oholibahyü Jerusalem lappü nyüke.

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.

JEREMIAH 51:9

Hami Babylon meitükhen kheteke, shejao pinnyü nemeiaokpeih. Pinnyü tuhphongtü jen peüi laophülei kahdok yemei leidaishah; Mehenangkü pinnyü kü shahphenpü vangshang ngoishi aongteke, hatü vangsho ngoiteke.

ISAIAH 59:12

Mehenangkü nüng touei hamei mang longi, hatü hamei mangi ham khüei denpü shuohnyüke. Hamei mangü ham mü nyüke, hatü hami hamei mang nyingnyüke.

ISAIAH 28:1

Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!

EZEKIEL 24:13

Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.