HOSEA 6:5 - DAÜLANGPÜ LAIHING (BSI)

⁵ Hanangkü ngei ngelei thibüthü shomei am mahtükpeih. Ngelei ju kübü shah homei am jütükpeih, hatü ngelei shahphenpü awlah vangngai kei dainyüpeih.

HOSEA 6:5 Referans Kwoze

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

JEREMIAH 1:10

Veihümao, shinnyih ngei nüngü jatthü hatü ongchingthü bhitükhen, hatü vütükhen, mangtükhen hatü yaktükhen, linghen hatü sheihen shingvaishi jenyüpeih.”

JEREMIAH 5:14

Hanangkü Jeiyong Shembüpai hapakei enyüke: Jomi ha shah epü nangkü, ngei shaang ngelei shah nüngei ju kü aw kei leihünyeih, hatü hathü nanglakü pü keiha hapa awi hathü hahtükhen.

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

SHAKEI VAMPÜ 9:21

Jomi jüteipü, nevaijü thiphepü nevaijü iyjeiphaileipü nevaijü gühpü kübü mong nelep.

SHAKEI VAMPÜ 9:15

Hanangkü hangku phaihan jem kübü hük jühen ghonda, nyih, len hatü vangbong shingvaishi temei küpshi tuhpü vangsho phongshan ali veyei deishih.

SHAKEI VAMPÜ 2:16

Mong leptuh, hei nevaijema ngei lomi am touei peiyei ngelei ju kübü yanlui ngei jom khüei hokhen.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

PHONGSHANTHÜ DOU 7:31

Mechem Mosai ha eepa, büpai veitü thama, hatü büpai hüngei veinüng heihja shingkü halei Shembüpalei ngeü vam:

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

EZEKIEL 43:3

Hapa manghkhangü büpai Jerusalem mangtüknüng yiüpü hepak kü eepükei, hatü ngei Kebar yungyenei eepü manghkhang kei shiüteke, hatü ngei kahdokei dhe shüshi doteke.

EZEKIEL 3:9

Ngei nüngei shangbayü yaonglang keiha leihühen. Nüngi jom kü tenyem nevaijü tehan; mehenangkü jomphongü khüei yaongpü jatli.

JEREMIAH 13:13

Hahepak kü nüngi hathü kü Shembüpai hapakei enyüke shei etuh: Ngei hapa kahdok kü nyupüthü peü Davidei ong uoshing kü uopü ongthü, ngongpathü, thibüthü, hatü Jerusalem kü nyupüthü peü yiüi chokhühen.

JEREMIAH 1:18

Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

MENVIH KESHO 37:6

Büpai nüng daülangshemshepü vanghela kei nyahühen, nüng shahhing epü heshotapa kübü vanghe kei khanghühen.

JOB SHAHSHA APPÜ 34:10

Hanangkü amphong sholi kohpüthü, Kahvangi nemeipü düknyeih, Jeiyong Kahvangi nejiüpü dou düknyeih shei mechemao tedeih.

2 SHÜPPÜKENGPÜ 21:12

Jehorami Elijah thibü leipü lai hük hapakei nyangtü dang: “Shembüpa, ambü Davidei Kahvangi hapakei enyüke: ‘Nüngi ampa Jehoshaphat nevaijü Judah ongpa Asa nyilei lem kü nekam,

2 ONGPATHÜ 1:16

hatü büpai ongpa kü, “Shembüpai hapakei enyüke: Israelei Kahvang neshiüpü vaishi nüngi Ekron amei Baal-Zebub kahvang touei phongmokbüthü shomei phepü je? Nüngi hapakei dükpü nangkü nüngi shaang lemshi nyupü lüng kübü nepao-i nüng dihen!” shei e.

1 ONGPATHÜ 19:17

Hazael toueipü nyaiyei yangpüthü Jehu-i jühen, hatü Jehu toueipü nyaiyei yangpüthü Elisha-i jühen.

1 ONGPATHÜ 18:17

Mechem Ahabi Elijah eepa, Ahabi büpa kü, “Israel kü shanghah shuohbü, hayü nüng je?” shei e.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

1 ONGPATHÜ 14:6

Shejao mechem Ahijah-i pinnyü shadenei shüjapü la ngeü danpa, büpai, “Jeroboamei shembünyü shükei; nüngü mih lebü kei lingtüktü mehekei peikünya? Nüng shing shahjang nemeipü hük nyüpeih.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

1 SAMUEL 13:13

Samueli büpa kü, “Nüngü ngadou dükteke. Nüngi Shembüpa, nüngei Kahvangi nüng kü shuohpü shahkung jiüshi nedükang; nüngi hapakei düklangmeyü Shembüpai Israel kü nüngei ongching den kü chongkhenei lingei tuhhen,

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

EPHESIA 6:17

Yemleipü nyiam athen, hatü Laangha yanlu mepa Kahvang shah nyüpa, ha yahtuh.

1 SAMUEL 15:32

Hahepak kü Samueli, “Amalek am Agag ongpa hammü ngei touei deikei” shei e, hatü Agag büpa touei kheüyaki, “Hingmei jühen vailangmeyü jütükphei, sheyü meishasha!” shei monglemei heihteke.

1 SAMUEL 15:33

Shejao Samueli, “Nüngei yani nyüthü longi hapeü neshiüpükei leitük, hapakei anyüao hapeü neshiüpü keiha nyemnyu” shei etü büpai Gilgal leipü moidü touei Agag khih mü deh-ei jütük.

EZEKIEL 32:18

“Shennyak ha, Ijip am shennyak khong shingvaishi mahng theptuh; hatü pinnyü mü chemi wong kohpü jatthülei nelathü kahshalei shüdaipüthü mü jomphongao dipü kahdokei shüeishuoh.

JOB SHAHSHA APPÜ 15:30

Büpa vangnyak kübü neyanghen, awlomi büpalei nien kaotükhen, hatü büpalei bong vanglüki kaongtükhen.

EZEKIEL 11:4

Hanangkü, Oh shennyak ha, hathü khüei teteivanei etuh” shei e.