HOSEA 6:3 - DAÜLANGPÜ LAIHING (BSI)

³ Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

HOSEA 6:3 Referans Kwoze

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

MENVIH KESHO 72:6

Ongpayü kah kü vang keipü keiha, hatü kahdok kü vanglah haipü keiha nyuhen.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

ZEKHARIAH 10:1

Bang hepak kü SHEMBÜPAleipü vang yütuh; Phumi vang leihüpeyü büpa nyüke. Büpai hangkuli kü vang shuohnyüke, hatü peüei kah kü sheili kohhünyüke.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

LUK SHAHSHA APPÜ 1:78

mehenangkü jenei Kahvangi phahji yahyangpü homei, ha homei vangsho leipü vanghe vangngai jen kü khanghen,

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

HOSEA 10:12

Am shing daülangshemshepü haituh, bampü betjük vettuh; ammi kahdok ja shotuh; Mehenangkü büpa peiyei am kü daülangpü vang keiphahen shingvaishi Shembüpa yemhen hepak nyüke.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

HOSEA 2:20

Ngei nüng monglempü kü ngelei nyüha vailanghen, hatü nüngi ngeiyü Shembüpa shei nyinghen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ISAIAH 32:15

Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

MENVIH KESHO 65:9

Nüngi kahdoknyü thümnyeih, ha kü yung shuohnyüke, hatü ha shemmei leihünyüke. Kahvangei yungyenthü yungi maei nyüke, hapai hangku kü hahying vamhünyüke; hapakei nüngi temei tuhpeih.

SHAHKÜP 32:2

Ngelei nyuhpü venpü vang keiha keikahen, hatü ngelei shahthü nyien keiha vükahen. Ngelei shah-ü phenni kü vanglah haipükei, hatü sheili bhao kü vang keipü keiha nyukahen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

JOB SHAHSHA APPÜ 29:23

Jomi vang keipü danpü keiha ngei danhampeih, hatü ngelei shah yung keiha yinghamteke.

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

MENVIH KESHO 19:4

Jomei ngeü kahdok peü lemei dainyüke; jomei shah kahdok dohpü lemei yannyüke. Vangshothülei büpai vanghenyü shing ashakshem veteke,

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

2 SAMUEL 23:4

büpayü phum neshiüpü nepnüng vanghela vangngai le-angpeih.

MENVIH KESHO 19:6

Hapayü vangsho jung hük kübü vamnyüke, hatü jung hük lemei shinnyüke. Hapa shaampü kübü meheyao nejoaoknyu.

MENVIH KESHO 63:8

Ngelei laanghai nüng kü shongnyeih; nüngei lakdah-i ngei kü düknyeih.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

HOSEA 14:6

Büpalei nyem ja vamhen; Büpa nethe meipeyü olive pü kei hatü büpa vong meipeyü Lebanon leipü cedar pü kei nyuhen.