HOSEA 6:1 - DAÜLANGPÜ LAIHING (BSI)

¹ Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

HOSEA 6:1 Referans Kwoze

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

JOB SHAHSHA APPÜ 5:18

Mehenangkü büpai kaw shahünyeih, hatü büpai ma yahhünyeih, shejao büpalei laki-üng hameitüknyeih,

1 SAMUEL 2:6

Shembüpai jünyeih hatü yangei leishihnyeih; büpai mahngchongei müei yünyeih, hatü yangei leishihnyeih.

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

JEREMIAH 30:17

Shejao ngei am kü yangnyu meipü yahphahen, hatü ammei makaw ngei meitükhen shei Shembüpai enyüke; mehenangkü jomi am kü aanyak shei nyükteke, Üpaiyao Zion kü ne-ienelem!”

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

JEREMIAH 33:5

Hanei am Babylon am khüei hokhen peikahen, hatü ngei mongshihpai jüpü shennyakthülei mahmahngi hathü mahühen, mehenangkü jomi dükpü mang nangkü ngelei dhe hapa chingnyü leipü jodaipeih.

MENVIH KESHO 30:7

Oh Shembüpa, nüng phahjipai, nüngi ngei kahshang keiha wong kohshi tuhpeih, Shejao mechem nüngei dhe jodaipa, ngei nyemei nyupeih.

JEREMIAH 30:12

Shembüpai hapakei enyüke: “Ammei makaw nemeiaokhen; nemeihen mü ammi ma yahteke.

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

ZEPHANIAH 2:1

Oh neveüpü jathili, chemi thaituh.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

JOB SHAHSHA APPÜ 16:9

Kahvang mongshihpai ngei la laishi shaaktükteke, hatü ngei kü jiühitnyüke; ngelei vepai ngei kü mük shahnyüke.

MENVIH KESHO 6:2

Nüngi ngei kü phahjishih Oh Shembüpa, mehenangkü ngei shomeiyingei shadainyu khih. Oh Shembüpa, ngei meitükshih, mehenangkü nyempai ngelei vangthü kheünyüke.

MENVIH KESHO 71:20

Nüngi ngei shanghah, hatü vongshüh longi ponghüteke, shejao nüngi ngei kü wong shuohhen, hatü nüngi ngei mahngsha leipao yanglanghen.

CHONGVENBÜ 3:3

jühen hepak hük, hatü hapa meihühen hepak hük; bentükhen hepak hük, hatü hapa linghen hepak hük;

ISAIAH 17:7

Hapa nyih nanglakthüi jom Lingbü yemhen, hatü Israel amei Daülangpü Hük kü veihen.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

YOUNG LAI 3:11

Büpai ngei lemhaoei changei deiyei khih mü shaaktü yakphong.

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

LEVI 14:48

Shejao ngongpai hapa mom dokei veinüng shüjü hapa jintükpheikü daei nedaijema, büpai hapa shemü daülangpü shei baonghen; mehenangkü mom mahdaiteke.

2 SHÜPPÜKENGPÜ 30:6

Ongpai shah shuohpükei lai kopüthü Israel hatü Judah peü lemei ongpa hatü büpalei lakchongbüthülei lai hapakei nyangtü koei dai. “Israel nanglakthü, Shembüpa, Abraham, Isak hatü Jakob Kahvang touei mong leptuh, shejüang Assyria ongpalei lak kübü yangpü am touei büpa lepkahen.

JOB SHAHSHA APPÜ 22:23

Nüng Jeiyong Kahvang touei nyokei leijema nüng meihen; nüngei shem leipü nedaünelangpü daütükjema,

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.