HOSEA 5:5 - DAÜLANGPÜ LAIHING (BSI)

⁵ Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.

HOSEA 5:5 Referans Kwoze

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

AMOS 5:2

Mechemao nepao-aokhen mü Israel nela doteke. Üpaiyao pinnyü phukhen neshiüi kahdokei shükshi nyüke.

LUK SHAHSHA APPÜ 19:22

Büpalei shembüi büpa kü, “Nüngei shah kü-üng ngei nüng shahphenhen, nüng nemeipü chongphobü! Nüngi ngeiyü shihmangpü shennyak; ngei melei nethai haleipü yahnyeih, hatü melei nehai, haleipü vetnyeih shei nyingei nyüke.

MATHI 23:31

Hapakei am nyingi ammü thibüthü jüpüthülei hühihathü hih shei denpü shuohnyüke.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

HOSEA 5:14

Mehenangkü ngeiyü Ephraim am tou kü mailang hük keiha, hatü Judah am touei mailang longpü kei nyuhen. Ngei jom khih mü shaaktüktü lüdaihen, Mechem ngei jom shüei daihen, üpaiyao jom neyangaokhen.

HOSEA 4:5

Nyakhingai kemei kü am huluh shuohnyüke, hatü am mü chemi thibüthüiyao huluh shuohnyüke. Hanangkü ngei ammei nyü, Israel mahtükhen.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

ISAIAH 59:12

Mehenangkü nüng touei hamei mang longi, hatü hamei mangi ham khüei denpü shuohnyüke. Hamei mangü ham mü nyüke, hatü hami hamei mang nyingnyüke.

ISAIAH 44:9

Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

ISAIAH 3:9

Jomei dhe kü veijü-üng jom khüei denpü shuohhahpü eenyüke; Jomi Sodom am keiha ngaiheyei mang düknyüke. Onyükei! jomi jom nyingi shanghah koei peihahteke.

KANDOK 30:13

Shennyak hanei-i hamü longi meipü am; hamü mih mü shaopü am shei deihnyüke.

KANDOK 24:16

Mehenangkü jom nyetpa dolangmao, jomphong shao-üng paokahen; shejao mangthü vongshüh-i mahkemhen.

KANDOK 14:32

Nemeipüthüyü jomei douteni vüdainyeih, shejao daülangpüthüyü jom dishingkao loishing dangnyeih.

KANDOK 11:21

Ha meishi nyingtuh: Nemeipüthü kü hanghi neshuoh-i nenyukahen, shejao daülangpüthüyü yangdaihen.

KANDOK 11:5

Daülangpüthülei lemü eela neshiüi kangshangi nyüke, shejao nemeipüthüyü jomei mangi donyüpeih.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.