HOSEA 5:15 - DAÜLANGPÜ LAIHING (BSI)

¹⁵ Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

HOSEA 5:15 Referans Kwoze

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

MENVIH KESHO 78:34

Mechem büpai jom jüpa, jomi büpa yemteke; jomi mong lepei büpa touei leiteke.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

LUK SHAHSHA APPÜ 13:25

Shem shembüi yaongei sha küplang pheikü amphong chingshelei yaongtü sha kü khungei, ‘Shembüpa, ham kao apshih’ shei ejü büpai am kü jangei, ‘Amphong meleipü peipa ngei nenying’ shei ephahen.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

EZEKIEL 36:31

Shejüang ammi ammei mang lemthü, hatü ammei mang douthü deih-ei danghen, hatü am nyingi ammei mang hatü jiühitpü douthü kü jiühitkahen.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

ISAIAH 26:9

Ngelei mong kü yanüng nüng young leyei peikünyeih; nepnüng ngelei laanghai nüng ongyangei deihkünyeih. Mechem nüngei shahphenpü kahdoknyülei peiyei nyunya, kahdoknyülei nyupüthüi shahhing ehen nyingnyüke.

MIKA 1:3

Veituh, Shembüpai daülangpü büpa nyushing kübü vamei peikünyüke, hatü büpa yiüei kahdoknyü kübü kahshangthü kü shouphen.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

EZEKIEL 20:43

Halei ammi ammei lemthü, hatü ami sheihtükpü douthü peü deih-ei danghen, hatü ammi dükpü mangthü deih-ei am nyingi jiühitei deihkahen.

EZEKIEL 11:23

Shembüpalei müknyinshekhang chingnyü leipü daiyei kahshang kü heongphi lemei yaong.

EZEKIEL 10:4

Hahepak kü Shembüpalei müknyinshekhang cherubim toueipü phopshem shaden thahshi vam; phopshemü phumi maei nyu, hatü shemshe thahshi Shembüpalei müknyinshekhang nyapai maei nyu.

EZEKIEL 8:6

Büpai ngei kü, “Shennyak ha, chemjalak kü jiühitnalaipü dou, Israel ami dükpü, hatü ngelei daülangpü shing kübü ngei changtükhen shingvaishi jomi mehe düknya, ha eenyüla? Ha mü nyeipü jiühitnalai dou nüngi eehen hih” shei ephüteke.

ISAIAH 26:21

Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

MENVIH KESHO 132:14

“Hapayü den kü ngei nyiumei shing halei ngei nyuhen; mehenangkü ngei ha lümnyüpeih.

MENVIH KESHO 83:16

Oh Shembüpa, jomi nüngei men yemhen mü jomei dhe veüpai mahütuh.

JOB SHAHSHA APPÜ 33:27

Hapheikü büpa shennyak touei peiyei enyeih, “Ngei mang thahteke, hatü kangshangpü ngei kaoktükteke. Shejao ngelei mang shangshi hanghi neyahphaangpih.

2 SHÜPPÜKENGPÜ 7:14

ngelei men kü nyükpü ngelei nanglakthüi maanpü leiyei phopei ngelei dhe yemjema, hatü nemeipü lem kübü mong lepjema, ngei vangsho leipü ha danei jomei mang tükhen hatü jomei kahdok meihühen.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

SHAHPHENBÜTHÜ 4:3

Mehenangkü Jabinü nyiam khari kho shü angteke, hatü büpai Israel nanglakthü shangkü longi mangshi hatü nemei-i vangbong kukha thahshi vanglem lem. Hahepak kü Israel ami Shembüpa kü sheühshih shei len.

KAHBHAO 42:21

Jomphong hüki hük mü, “Jeni jenei naüpeü kü dükshuohpü hapalei mang nangkü ponghahnyu khih; büpa ponghahküpü jeni eephei; büpai ngei yangshih shei khümshingkü jeni ha nebangpeih. Hanangkü jen kü ha shanghah peipeih” shei etei.

BHEI-IE 21:7

Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.

ISAIAH 18:4

Shembüpai ngei kü, “Vanghe hejü shamsham shei nyupü keiha, hahvet hepak kü vanghenyü nyahpü kü yanüng nyien yuwpü keiha, ngei nenmü nyuhen hatü ngei nyushing leipü veihen” shei ephüteke.

JEREMIAH 3:14

Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

MENVIH KESHO 107:6

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 107:13

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 107:19

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 107:28

Hahepak kü shanghahpai jomi Shembüpa kü nyük, hatü büpai jom shanghah kübü yang.

YOUNG LAI 3:40

Jeni jenei lem dokei veishah, hatü Shembüpa touei lepshah.