HOSEA 5:13 - DAÜLANGPÜ LAIHING (BSI)

¹³ Mechem Ephraim ami büpa tüngpü eepa, hatü Judah-i büpalei makaw eepa, hahepak kü Ephraim ami ongpa longpü kü sheühpü yiüei Assyrialei heihteke, Shejao büpai jom tüngpü, hatü jomei makaw nemeihüaok.

HOSEA 5:13 Referans Kwoze

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

HOSEA 10:6

Hapa lajeiyü Assyria ong kü bom vaishi yah-ei lüdaihen. Ephraim am hai danghen; Israel ami lajei nangkü veüponghen.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

JEREMIAH 30:12

Shembüpai hapakei enyüke: “Ammei makaw nemeiaokhen; nemeihen mü ammi ma yahteke.

2 ONGPATHÜ 15:19

Hahepak kü Assyria am Pul ongpa peiyei Israel hah, hatü Israel kü nedoh-i ong vaiyei nyuhen wong nyemyahshuoh shei Menahemi büpa kü ngin dok haja anpüali shuoh.

MIKA 1:9

Mehenangkü pinnyülei ma nemeiaokhen mü nyüke, hatü hapa aihük mü Judah amao hanghihen nyüke. Hapa hanghi ngelei nanglakthü nyupü Jerusalem penyü shaden ngoiteke.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

2 ONGPATHÜ 16:7

Ahaz-i Assyria am Tiglath-Pileser ongpa kü phongmokbüthü shomei, “Ngeiyü nüngei chongphobü hatü nüngei ong naü-eepa. Hanangkü ngei mü hokpü Aram ongpa hatü Israel ongpa nyilei lak kübü nüng aongei ngei yangtuh” shei e.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

ISAIAH 3:7

Shejao hapa nyih kü büpai jangei, “Tah, ngei am kü nesheühpih; ngelei shemei hahying nevaijü ashakviha meheyao neshiüpih; ngei ammei mübü vaihen tejepha” shei ehen.

EZEKIEL 23:5

Ngei mü shem yemei tuhtü Oholah-i Assyria am veshanthü,

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”