HOSEA 5:10 - DAÜLANGPÜ LAIHING (BSI)

¹⁰ Judah amei mübüthüyü viong yaong chaiteipüthü kei nyüke, Yungnyü büng keiha ngelei mongshih jom kü bhümhen.

HOSEA 5:10 Referans Kwoze

SHAHKÜP 19:14

Shembüpa, ammei Kahvangi am kü shuohpü kahdokei am she kübü ami sheitükpü chingyowpalei viong shungshep yaong bhiyei techaitük.

MENVIH KESHO 32:6

Nüng danghen mü nyushingkü nüng kü hinglempüthü peü nüng kü phophütuh; mechem shanghah yungnyü büng longhen, hapai jom nethahhen.

SHAHKÜP 27:17

“Chingyowpalei viong yaong chaiteipü shennyak kü thaüvaü hettuh” Hahepak kü nanglak peüi, “Amen!” shei ehen.

LUK SHAHSHA APPÜ 6:49

Shejao üpai ngelei shah dantü nedüknya, büpayü chongnyiam nelingi shem vepü shennyak hük leshi nyüke. Mechem yung longei ha kü hunghen, lomi ha dodainyüke, hatü hapa shem dopeyü longi nyuteke.

MATHI 7:27

Vang keiyei yung long, hatü vanglük lük hatü hapa shem kü hung, hatü ha shem laam, hatü ha laampeyü longi nyuteke.

EZEKIEL 7:8

Ngei mongshihpü lomi am kü khüpphahen, ngei mongshihpü am khüei shomhen. Ammi dükpü aimü ngei ammei shahphenhen hatü ammei jiühitnalai dükhiling kü ngei shemhen.

KANDOK 22:28

Nüngei bühipai tuhpü shongpü viong lemchang kü tephintei.

KANDOK 17:14

Dehilao pangpeyü yungchüm laipükei nyüke; hanangkü mangde shekü dohtüktuh.

MENVIH KESHO 88:17

Helushoei jomi ngei kü yungnyü büng keiha shonteke; lem peü leipü jomi ngei kü shinteke.

MENVIH KESHO 69:24

Nüng mongshihpü jom kü khapeishuoh, hatü nüngei mangpü monglepi jom mahtüktuh.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

EZEKIEL 22:22

Awbhaongei nyiam nyaüpü keiha am halei nyaühen, shejüang ngei, Shembüpai am kü ngelei mongshih khüpphopü khih shei ammi nyinghen.”