HOSEA 5:1 - DAÜLANGPÜ LAIHING (BSI)

¹ “Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

HOSEA 5:1 Referans Kwoze

HOSEA 9:8

Thibüyü ngelei Kahvang leimao Ephraim am yombü nyüke, shejao büpalei lem peü kü aethitai haenshi nyüke, hatü Kahvangei phopshemei vepa nyüke.

MIKA 7:2

Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.

MIKA 3:9

Ha bangtuh, am Jakob phang mübüthü, hatü am Israel phang kü vanglem lembüthü, ammi shahhing yaktüknyüke, hatü jiüpü peü nyongnyongi lingtüknyüke.

HOSEA 6:9

Gühpathüi hanei am tappü keiha ngongpathüiyao hapakei thainyüke; Jomi Shekhem lemeiyao shennyak jünyüke.

SHAHPHENBÜTHÜ 4:6

Nyih hük pinnyüi Naphtali kü nyupü Kadesh chingnyü leipü Abinoamei cheha Barak kü nyükei büpa kü, “Shembüpa, Israel amei Kahvangi nüng kü, ‘Daituh, hatü Naphtali hatü Zebulun jat nyi kübü shennyak haja an mütuh, hatü Tabor Kahshang lemei aongei show lingtuh’ shei Shembüpai enyüke shei eteke.”

MALAKI 2:1

Shaang, Oh ngongpathü, hapa kangpeyü am shingvaishi nyüke.

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”

HOSEA 10:15

Oh Bethel, ha meimei am kü hetkahen; Mehenangkü ammei mang ahshi longshi khih. Mechem hapa nyih ngoihen, Israel ong chemjalak kü mahtükhen.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MIKA 3:1

Hathü ngei eteke: Bangtuh, amphong Jakob mübüthü, hatü am Israel phang kü vanglem lembüthü: Shahhing nyinghenü am shing nevaipü je?

HOSEA 13:8

Sheptao-i cheha yahlangshuohjü laongpükei ngei jom kü laonghen, hatü khih mü shaaktükhen. Mailangi kei ngei jom lühtükhen; Phaüyemi keiha ngei jom khih mü shaaktükhen.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.

JEREMIAH 13:18

Ongpa hatü chenyü nyi kü, “Ong uoshing kübü shühdaituh; mehenangkü nethe meipü ong athen shangjing leipü vüdaiteke.

JOEL 1:2

Hapa bangtuh, amphong behethü; kahmük kü nyupü peüi hapa kü dhaong shaangtuh. Ammei nyih kü nevaijü ammei bühipa hepak kü henüng kei chemao vamla?

SHAHPHENBÜTHÜ 4:12

Mechem Abinoamei cheha Barak Tabor Kahshangei aongteke shei Sisera-i danpa,

1 SAMUEL 7:5

Hapheikü Samueli, “Israel am kemei Mizpahlei thaikei, hatü ngei Shembüpa kü am shingvaishi phophen hih” shei e.

1 SAMUEL 7:6

Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.

1 SAMUEL 7:16

Bong ieyei büpai Bethel, Gilgal hatü Mizpah kü shinei shinei kam, hatü hathü shing peü kü vanglem lem.

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

AMOS 3:1

Oh Israel nanglakthü, Shembüpai Ijip leipü müei leipü jat kemei, büpai am khüei epü shah bangtuh.