HOSEA 4:7 - DAÜLANGPÜ LAIHING (BSI)

⁷ Meshükpa ngongpathü nyeinya dahenshang, hajükpa ngei khüei nyeinya mang thahnyüke; Jomi jomei müknyinshekhang veüpong mü jeiteinyüke.

HOSEA 4:7 Referans Kwoze

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

MALAKI 2:9

Hanangkü hangkuli peüei shesha kü ngei am vüshihpeih, hatü maanpü am leihüpeih; mehenangkü ammi ngelei lemthü kü nekam, shejao shahkungnyü noshingkü baong hanei noteke.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.

HOSEA 4:10

Jomi hahhen, shejao nemohhen; jom mükbongjuyunghen shejao nedaneshehen;

HABAKKUK 2:16

Amü müknyinshekhang nangjei veüpongi mahühen; am nyingi yinghen, hatü bümkong nyuhen. Shembüpalei lakdahphi leipü yungshong nüng shonei shakahen, hatü nüngei müknyinshekhang veüpongi jümlanghen.

HOSEA 6:9

Gühpathüi hanei am tappü keiha ngongpathüiyao hapakei thainyüke; Jomi Shekhem lemeiyao shennyak jünyüke.

HOSEA 5:1

“Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.

HOSEA 13:14

Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.

HOSEA 9:11

Ephraim amei müknyinshekhangü ou hük kei piyei lüdaihen; Naü uoshing kü naü nekohhen, hatü moi nepaihen.

HOSEA 10:6

Hapa lajeiyü Assyria ong kü bom vaishi yah-ei lüdaihen. Ephraim am hai danghen; Israel ami lajei nangkü veüponghen.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.