HOSEA 4:6 - DAÜLANGPÜ LAIHING (BSI)

⁶ Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

HOSEA 4:6 Referans Kwoze

ISAIAH 5:13

Danaokpü taopü nangkü ngelei nanglakthü wüpküpei daihen; aeipai hamhimanthü dikemhen, hatü nanglak khongnyü yung lepai dikemhen.

KANDOK 19:2

Nyingpü neshiüi nyakpükenpeyü nemei, hatü üpai shülangi moknya, lem pungtüknyeih.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

MATHI 15:8

“Hathü shennyakthüi jomei ju-i mon ngei kü dhüm hunyüke, shejao jomei mongdang ngei toueipü taishi lüdaiteke;

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

2 SHÜPPÜKENGPÜ 15:3

Hepak luangi Israel amü hingshangpü Kahvang, nyuhhen venhen ngongpathü hatü shahkung neshiüi nyupeih.

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

JOB SHAHSHA APPÜ 36:12

Shejao jomi ven nedanjema, jom vepalei yani mahhen, hatü kon neshiüi dihen.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

ISAIAH 3:12

Hasho naü-eethüi ngelei nanglakthü kü shüveihen, nyühathüi jom shak kü vanglem lemhen. Oh ngelei nanglakthü, ammei mübüthüi am lemnyong kü münyüke; jomi am lembienei deilangnyüke.

MENVIH KESHO 119:139

Ngelei vepathüi nüngei shah betükpü nangkü ngei nyakpükenpai ngei nyiudaiteke.

MENVIH KESHO 119:61

Nemeipüthülei vü-i ngei kü ngeihjao ngei nüngei shahkungthü nebenyih.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

HOSEA 8:12

Ngei jom shing ngelei shahkung longi nyangei nyuhshuohjao, jomi hayü douthüng kei yakphongnyüke.

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

1 SAMUEL 2:12

Elilei cheha nyiyü nemeipü shennyak nyu; jijinyi-i Shembüpa kü ie kü neshih,

ISAIAH 45:20

Am thaituh hatü chemi peikei, jatthü kübü yangei aopü nanglakthü! Püi lingpü lajei hatü yanghen neaokpü kahvangthü kü phoppüthüi ha nenyingnyu!

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

ISAIAH 28:7

Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

MATHI 1:6

hatü Jesseyü David ongpalei chepa nyuteke. Davidü Solomonei chepa, chenyü-ü Uriahlei nyüha nyuteke;

MENVIH KESHO 119:153

Ngelei shanghah kü veituh, hatü ngei yangtuh; mehenangkü ngei nüngei shahkung nebenyih.

KANDOK 10:21

Daülangpü amei jubenyeijaangi mih nanglei danghünyeih, shejao ngapathüi kon neshiüi dinyüpeih.

EZEKIEL 44:23

Jomi ngelei nanglakthü kü mepa daülangpü hatü mepa nedaüpü nyuhhen, hatü nedaünelangpü hi daülangpü nyi baong hanei huhen.

HOSEA 4:14

Jomi büm yuei lüdaijao, ngei ammei yiükhathü nehanghihüpih, nevaijü jom mükbongjuyung düklangmao, ngei ammei hapeülei nyüha kü hanghi neshuohpih; Mehenangkü bahathü jom nyingi mükbongjuyunglathü mü dainyüke, hatü büm yupüthü mü moila shuohnyüke; Ken nehingpü nanglakthü hapakei mahdainyeih.

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

MENVIH KESHO 18:27

Nüngi maanpü leipü am yangnyüke, shejao changmeipüthü maanhütüknyeih.

ISAIAH 29:12

Nevaijü ammi ne-ieaokpüthü kü, “Hapa ieshih” shei shuohjü jomi, “Hami ne-ieaok-ükhih” shei ephahen.

HOSEA 9:17

Ngelei Kahvangei ven nedanpü nangkü büpai jom yaktükhen; Jomü jatthü khongkü chingnyaipü am leihühen.