HOSEA 4:5 - DAÜLANGPÜ LAIHING (BSI)

⁵ Nyakhingai kemei kü am huluh shuohnyüke, hatü am mü chemi thibüthüiyao huluh shuohnyüke. Hanangkü ngei ammei nyü, Israel mahtükhen.

HOSEA 4:5 Referans Kwoze

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

GALATIA 4:26

Shejao hükpa nyühayü shangpa leipü Jerusalem kü shenshi nyüke; pinnyü-ü bümei, hatü pinnyü-ü jenei nyü.

ZEKHARIAH 13:2

Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

JEREMIAH 50:12

ammei nyü chemjalak kü veü ponghen, hatü am bühpü hümlungnyü mongshanghen. Babylonü jatthü khongkü peü mü maanpü jat leihen, hapayü kahvan, bhih kahdok leidaihen.

JEREMIAH 23:9

Thibüthü nang epü: Ngelei mongei mongdang mangdaiteke, ngelei vang peü kheünyüke; Mehenangkü Shembüpa hatü büpalei daülangpü shahthü homei ngeiyü yiüi manpü, hatü yiüi chokpü shennyak kei leidaiteke.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

EZEKIEL 14:3

“Shennyak ha, hathü shennyakthüi lajeithü kü jomei mong kemei shuohtükteke, hatü hapai jom mang lemei mühünyüke. Jomi phepü kü ngei jom kü jangpü shuohhen je?

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.