HOSEA 4:16 - DAÜLANGPÜ LAIHING (BSI)

¹⁶ Israel nanglakthüyü mohoh cheha kei mong vaannyüke; shejema mekei etü Shembüpai mi chehathü kü kei shingkow kü het ühhenang?

HOSEA 4:16 Referans Kwoze

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

JEREMIAH 3:11

Hahepak kü Shembüpai ngei kü eteke: Shahshem epü Judah leimeyü hingnelempü Israel-üng komshi mang thahpükei hupeih.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

ISAIAH 22:18

Nüngü nyeikaung kei toilangi nuitü longpü kahmükei yaktükhen; halei nüng dihen, hatü nüngei nethe meipü koyei kharithü halei nyudaihen. Oh laophülei shembü mongmanghüpeyü nüng khih!

ISAIAH 5:17

Hahepak kü mopnyümopha laaipü shingei mi chehathüi phenha meekhahhen, hatü yumthüi phenni hah-ei longteihen.

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

MENVIH KESHO 78:8

Shejao jomü chebü chepa am kei mong vaanei khüei yaongpü, Kahvang kü jomei mong lanei neshuohpü, nevaijü jomei laanghabüpa kü hingnelempü am nevaihen.

ISAIAH 30:23

Ammi kahdokei haipü sheili shingvaishi büpai vang shomphahen, hatü kahdok kübü vampü hahyingi am shemmei leiyei changshi nyuhen. Hapa nyih ammei mohohthüi koshoya kü phenhani changshi hahhen.

JEREMIAH 31:18

Ephraim ami khümei epü ngei dantepih: Ngeiyü han hokhen mangnyuhpü mohoh cheha kei nyushingkü nüngi ngei kü nyuh, hatü ha ngei nyingei yahpeih. Ngei müei leituh, ngei nyokei leiküshah, mehenangkü nüngü ngelei Shembüpa Kahvang.

HOSEA 10:11

Israel amü hah tenhen nyuhtükpü mohoh cheha kei nyuteke; hatü ngei nethe meipü üng kü püdü nechanshuoh; Shejao ngei püdü chanhütü, Ephraim ami hanshong shühen; Judah ami han hokhen, hatü Jakobi kahdok shohen.

HOSEA 11:6

Jomei chingnyüthü kü yan vamhen, hatü jomei küpjanthü dohtükhen.