HOSEA 4:13 - DAÜLANGPÜ LAIHING (BSI)

¹³ Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

HOSEA 4:13 Referans Kwoze

ISAIAH 1:29

Ammi mongongteipü longkhampüthü eejü veükahen, ammi lümei khümteipü pemongthü eeshingkü mongmangkahen.

EZEKIEL 6:13

Mechem laophülei nanglakthü lajeithü touei moidü shinei, shaopü shangtaothü hatü shangchingthü peüei, hatü jomi lajeithü kü ayingshü jakei moila shuohteipü püdhüm vungdhüm phangkü yaüshi eehenshang, jomphongi ngeiyü, Shembüpa shei nyinghen.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

AMOS 7:17

Hanangkü Shembüpai hapakei enyüke: “Anyühayü chingyangshongei büm yupü am leihen, hatü nüngei hapeüthü vehokei mahhen. Nüngei kahdokü hantü mih kü shuohtükhen, hatü nüngü kung kahdokei dihen. Hingmei Israel am laophülei kahdok tuhtü wüpküpei daihen.”

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

EZEKIEL 16:25

Lemnyüshong ieyei kü ammi lajei khümshing ling, hatü ammei dhemeilaüma yuhahteke; peihpü leipü peü kü laophülei büm yuhahteke.

EZEKIEL 16:16

Ammi ammei ashak hanei nyiukei am khümshing vaümchongei ow lingpeih, hatü halei büm yupeih; henüngkei sheleiyao nenyu shao nenyukahen.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

ISAIAH 57:7

Shaopü kahshang hatü shangchingthü kü ammi shinshing lingnyüke, hatü halei paümei thaümei moila shuohhen aongnyüke.

ISAIAH 57:5

Amü püdhüm vungdhüm ieyeilei mükbongjuyung dükei lihila kahvangthü kü khümnyüke; Ammi kahjithü hatü yaongsha püsha peülei laophülei hapeüthü jüei moila shuohnyüke.

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

HOSEA 10:8

Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.

2 ONGPATHÜ 17:7

Ijip kahdok Pharaoh ongpalei lakmong leipü jom müei leipü Shembüpa, jomei Kahvang khüei mang thahpü nangkü Israel am kü ha vampeih. Jomi lebü kahvangthü kü khüm,

2 ONGPATHÜ 23:7

Büpai Phopshemei büm yupüthülei yow bentük; halei nyühathüi Asherah nyüha kahvang kü khümhen ashak dakhamteke.