HOSEA 4:12 - DAÜLANGPÜ LAIHING (BSI)

¹² Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

HOSEA 4:12 Referans Kwoze

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

HABAKKUK 2:19

Am üami pü kü, “Paotuh” shei enya, nevaijü yangnyu neshiüpü yaong kü, “Yaongtuh” shei enya, Onyükei! Hapai lemhük dangkao ephaaokhen je? Veituh, hayü honhingini shaokpü mon, halei yangnyu ngü neshiü.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

HOSEA 9:1

Mongteong, Oh Israel nanglak, mih jatli kei mo-eitapei mongteongtei. Mehenangkü am büpa toueipü yanei hingnelemi nyuteke. Büm yutü ha kü lat danghen, hatü hahying lemphü danghen kü kennyüke.

EZEKIEL 21:21

Mehenangkü Babylon ongpai hapa lem nyi phaakpü lembaongei yaongtü phongyomhen; büpai laophülei lajei kü pheyeiyuhen; hatü moila shuohpü yemha dhen yah-ei phongyomhen.

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

2 SHÜPPÜKENGPÜ 21:13

shejao nüngi Israel ongthülei lem kü kamei nüngi Judah hatü Jerusalem nanglakthü mang thahhüei Ahab am shemi dükpükei dükteke. Nüng mao meipü anjei anaüpeü nüngi jütükteke.

LEVI 20:5

ngei büpa hatü jom shem khüei yaonghen, hatü laophülei nanglak khong kübü büpa hatü büpa phei müei Molekh kü khümpüthü kemei jütükhen.”

LEVI 17:7

Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

MENVIH KESHO 106:39

Hapakei jomei doui jom nedaüi lei, hatü jomi dükpü dou kü mükbongjuyung.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

SHAHPHENBÜTHÜ 18:5

Hahepak kü jomphongi büpa kü, “Hamphongi deihshi daipü yendai lem kü aokpü dangülashang Shembüpa kü phekütuh” shei e.

2 ONGPATHÜ 17:7

Ijip kahdok Pharaoh ongpalei lakmong leipü jom müei leipü Shembüpa, jomei Kahvang khüei mang thahpü nangkü Israel am kü ha vampeih. Jomi lebü kahvangthü kü khüm,

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

EZEKIEL 20:32

Ammei mongei, “Jenao mih jatthü kei nyushah, yaong hi pü chongphopü jatthü kei nyushah” shei deihpü ha nejiüküpih.

HOSEA 6:10

Israel phang kü ngei nyembenüng dou hük eetepih, halei Ephraim ami mükbongjuyung düknyüke, hatü Israel am sheihdaiteke.