HOSEA 4:11 - DAÜLANGPÜ LAIHING (BSI)

¹¹ Jomi mükbongjuyung dükhen nangkü Shembüpa yakphongteke. Yiü hatü yiünaü-i ngelei nanglak kenhingmonghapü gühlangteke.

HOSEA 4:11 Referans Kwoze

KANDOK 20:1

Yiü yingpai yaüeilungei enyüpeih; chokpümokpü hahpai depülaopü vamhünyeih, hatü hapai chokpüthüyü ngapa.

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

ISAIAH 28:7

Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

CHONGVENBÜ 7:7

Mechem kon kohpü shennyaki hanei am kü ühünghenshang, büpai ngapa kei dou düknyüke, hatü yawhdoui mongdang mangtüknyeih.

KANDOK 6:32

Shejao üpai mükbongjuyung düknya, büpayü ngapa; üpai hapa düknya, büpa laophü nyingi mangtüknyüke.

LEVI 10:9

“Nüng hatü anhanyi-i yiü nevaijü yiüji yingtü mechemao ashakshemei neshühen, hei nevaijema amphong dihen; hapayü hüdenhalenshi den shing shahkung chongkahen.

1 SAMUEL 25:36

Mechem Abigaili Nabal yemei leijapa, büpayü shemei ongpa kei moei chongjateke. Büpayü yiüi chokdaitü mongnyü mongha ongshi chongjateke, hanangkü pinnyüi büpa kü vang mangngai thahshi meheyao ne-eshuoh.

KANDOK 31:4

Hapayü ongpathü shing nevaipih, Oh Lamuel, Yiü yinghenü ongthülei dou nevai, nevaijü vanglem lempüthüi chokpümokpü hahhen nevai;

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.