HOSEA 4:10 - DAÜLANGPÜ LAIHING (BSI)

¹⁰ Jomi hahhen, shejao nemohhen; jom mükbongjuyunghen shejao nedaneshehen;

HOSEA 4:10 Referans Kwoze

MIKA 6:14

Ammi hahhen shejao shümoh nemeihen; ammei shünyü aeipai kongmü nyuhen. Ammi thaiyei yoei tuhhen shejao ne-angaokhen, mehe ammi yoei tuhhen, ha ngei vehok kü mahtükhen.

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

HAGGAI 1:6

Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

HOSEA 4:14

Jomi büm yuei lüdaijao, ngei ammei yiükhathü nehanghihüpih, nevaijü jom mükbongjuyung düklangmao, ngei ammei hapeülei nyüha kü hanghi neshuohpih; Mehenangkü bahathü jom nyingi mükbongjuyunglathü mü dainyüke, hatü büm yupüthü mü moila shuohnyüke; Ken nehingpü nanglakthü hapakei mahdainyeih.

EZEKIEL 18:24

Shejao mechem daülangpü shennyak hük mang lemei nyokei daiyei mang thah-ei mangthüi dükpü jiühitnalai douthü dükei daihenshang, hapa shennyak yemmü nyuaokhen je? Hapa shennyaki dükpü daülangpü dou hükao deih-ei nedangpih; mehenangkü hapa shennyaki hingnelempü hatü büpai thahpü mangthü nangkü büpa dihen.

KANDOK 13:25

Daülangpüthüi mong hüshemei hahnyüpeih, shejao nemeipüthü düngei aeiyei nyunyüpeih.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

MENVIH KESHO 36:3

Jomei ju kübü shahthüyü mang hatü shahshem mon nyüke; Jomi kon kohshi dükhen hatü mei dükhen dohdaiteke.

2 SHÜPPÜKENGPÜ 24:17

Shaang Jehoiada didaipheikü Judah am lakchongbü peiyei ongpa kü yawh-ei e, hatü ongpai ha bangteke.

JEREMIAH 34:15

Yopai-iang am mong lepei ngei touei mehe jiü, ha dükteke; am peüi laophülei jempü shennyak kü bümei hean shuohteke, hatü ngei kü khümpü phopshemei ngei touei vangeishuwteke.

EZEKIEL 22:9

Hapa chingnyülei haneiyü mih jühen nangkü shahshem enyüke; shennyak haneiyü lajeithü kü moilapü hahying hahnyüke, hatü iyjeiphailei dou düknyüke.

HOSEA 7:4

Jom peüi mükbongjuyung düknyüke; Aan oukbüi aanthüng nyetpü kübü aan mangouk thahshi awdep kü aw jakei angpükei nyüke.

JEREMIAH 9:12

Ha nyingaokhen mü üpa kü kon changshi nyüpa? Ha baongei ehen mü üpa kü Shembüpalei ju kübü vamei eshuohpa? Üpaiyao peih-ei nekamteihen mü mehekei hapa kahdokü lavüngtoiyei yakphongpa?